Diferents cetacèus.
| Règne | Animalia |
|---|---|
| Embrancament | Chordata |
| Sosembr. | Vertebrata |
| Classa | Mammalia |
| Infraclassa | Placentalia |
| Superòrdre | Laurasiatheria |
| Òrdre | Cetartiodactyla |
| Sosòrdre | Cetancodonta |
Cetacea
Brisson, 1762
Los cetacèus ( Cetacea), son un òrdre de mamifèrs aqüatics. Son còs fusifòrma, semblant al dels peisses, es idrodinamic. Las patas anterioras se son transformadas en aletas, mentre que las posterioras an desaparegudas coma talas, malgrat que ne'n demòran qualques òsses vestigis. L'aleta caudala es orizontala e se devesís en dos lobuls. Generalament, mancan de pèl e tenon una espessa capa de graissa que lor servís d'isolacion termica.
L'òrdre dels cetacèus conten 88 espècias,[1] gaireben totas marinas, levat 5 espècias de dalfins d'aiga dolça. Los cetacèus vivents se subdevesisson en dos sosòrdres, lo dels misticèts e lo dels odontocèts. Un tresen sosòrdre, lo dels arqueocets, conten sonque d'espècias atudadas.