La brica o malon es un parallelepipède rectangle de tèrra argilosa, cuèch al forn, o secat al solelh, utilizat coma material de construccion.
Se distinguís dos tipes de bricas :
- la brica plena, material tradicional fòrt ancian,
- la brica cròia, inventada al sègle XIX, qu'es uèi de luènh la mai utilizada.
La brica plena pòt èsser daissada aparenta o s'emplegar coma material de parament, mentre que la brica cròia, que presenta l'avantatge d'èsser pus leugièra e pus isolanta, es generalament enducha.
La vila de Tolosa deu son escais de « vila ròsa » a l'utilizacion generalizada de la brica aparenta dins la màger part de las construccions. Lo monument de bricas mai remirable d'Occitània es la catedrala de Santa Ceselha d'Albi (Tarn).