Alejo Carpentier y Valmont (Lausana, 26 de decembre de 1904 - París, 24 d'abril de 1980) foguèt un escrivan, jornalista, musicològ e critic musical cuban. Son òbra aguèt una influéncia bèla sus la literatura latinoamericana de son temps e mai posteriorament. Aqueste amic dels escrivans franceses surrealistas André Breton, Jacques Prévert, Paul Éluard, foguèt un dels autors mai importants de l'estil dich realisme magic. Per encausa de son engatjament pels ideals revolucionaris d'esquèrra, Carpentier se vegèt empresonat mantun còp e mai obligat a l'exili.