Willy Jansson | |||
Fødd | 13. mai 1927 Sandar kommune | ||
---|---|---|---|
Død | 18. september 2019 (92 år) | ||
Statsborgar av | Noreg | ||
Parti | Arbeidarpartiet | ||
Yrke | politikar, organisasjonsarbeidar, konditor | ||
Alle verv |
|
Willy Jansson (13. mai 1927–18. september 2019) var ein norsk konditor og politikar frå Sandefjord. Han representerte Vestfold og Arbeidarpartiet på Stortinget frå 1968 til 1973.
Jansson, som var son til ein kvalfangar, tok i 1951 fagbrev som konditor. Han arbeidde som konditor i heimbyen til 1961, etter at han i ungdomsåra 1946-48 var sysselsett som reisesekretær i Nord-Noreg for metodistkyrkja. 1961-67 var han fylkessekretær i Vestfold Arbeidarparti. Etter stortingstida var han 1973-77 sekretær i Arbeidernes Opplysningsfond, organisasjonssjef 1978-83 og leiar 1983-98 i Norsk Folkeferie.
Jansson ver medlem i Sandefjord bystyre frå 1955 til 1971, i tre av periodane med sete i formannskapet. Han var elles formann i Sandefjord boligbyggelag 1962-68 og medlem av Hytteutvalet 1979–81. Stortingsperioden 1965-69 var han fyrste vararepresentant frå Vestfold til dess representanten Johan Andersen døydde i mai 1968. Sidan møtte han fast resten av fireårsbolken som medlem i Forsvarskomiteen. Valbolken 1969-73 var han ein av fire Arbeidarparti-representantar på Stortinget frå Vestfold, med plass i Kommunal- og miljøverkomiteen.