Ein williwaw er ein brå vindstøyt som kjem ned frå ein fjellendt kyst til sjøen. Opphavet til ordet er ukjend, men vart nytta av britiske sjømenn på 1800-talet. Det vart nytta i Magellansundet, Aleutane og kystfjordane i Alaska. Vindfenomenet er det same som piteraq på Grønland. Williwaw-vinden kjem av kald, tung luft frå snø- og isfelt i kystfjell på høge breiddegrader, som får ekstra fart av tyngdekrafta. Ein williwaw er derfor ein slags katabatisk vind.