Us er det sjette studioalbumet (og niande albumet totalt) av den britiske rockemusikaren Peter Gabriel, opphavleg gjeve ut i 1992. Det vart ommastra i lag med det meste av katalogen til Gabriel i 2002. Av singlar frå albumet finn ein «Digging in the Dirt», «Steam», «Blood of Eden» (ein tidleg versjon av songen vart nytta i Wim Wenders-filmen Until the End of the World i 1991) og «Kiss That Frog».
Gabriel utforska smertene i dei personlege problema han hadde hatt i det siste, mellom anna skilsmissa frå den første kona si, forholdet til skodespelarinna Rosanna Arquette, og den aukande avstanden mellom han og den første dottera si.
Etter albumet la Gabriel ut på «Secret World Live»-turneen, kalla opp etter den siste songen på albumet, «Secret World». Frå turneen vart det gjeve ut eit konsertalbum og ein konsertfilm. Albumet vart òg marknadsført gjennom eit interaktivt dataprogram for Macintosh-maskinar kalla Xplora1: Peter Gabriel's Secret World, som inneheldt fleire musikkvideoar frå albumet.
Peter Gabriel – vokal på alle spor, klaverinstrument på alle spor, triangel på spor 1, programmering på spor 1, 2, 7–10, synthbass på spor 1, 3, 7, 9, 10, perkusjon på spor 2, 4, 9, valiha på spor 2, blåsararrangement på spor 4, munnspel på spor 9, mexicansk fløyte på spor 10
David Rhodes – gitar på spor 1, 2, 4, 5, 7–10, 12-strengsgitar på spor 3, sologitar på spor 4
Manu Katché – trommer på spor 1, 6, 7, elektrisk trommer på spor 2, 4, 5, 10, perkusjon på spor 10
The Babacar Faye Drummers – sabar-trommer på spor 1 og 4
Doudou N'Diaye Rose – programmering på spor 1 og 10
David Bottrill – programmering på spor 1–4, 7, 10, ekstra programmering på spor 5 og 9, studio lydteknikar
Chris Ormston – bagpipes på spor 1
Daniel Lanois – shaker på spor 1, gitar på spor 1, 10, ekstra vokal på spor 1, hi-hat på spor 3, vokal på spor 3, blåsearrangement på spor 4, dobro på spor 8, 10
Richard Blair – ekstra klaverinstrument på spor 1, programmering på spor 4, 5, 7, 9, ekstra programmering på spor 2, 3
↑Considine, J. D. (2004). «Peter Gabriel». I Brackett, Nathan; Hoard, Christian. The New Rolling Stone Album Guide (4th utg.). Simon & Schuster. s. 319–20. ISBN0-7432-0169-8.
↑«British album salstrofé – Peter Gabriel – Us». British Phonographic Industry. Henta 25. mars 2020.Enter Us in the field Search. Select Title in the field Search by. Select album in the field By Format. Click Go
↑«Nielsen SoundScan». Nielsen SoundScan. nielsen.com. Search for «Us» by Peter Gabriel. 2005 Data: 1,600,000 Sold Units i USA. Arkivert frå originalen 7. juli 2014. Henta 25. mars 2020.