Tuva Syvertsen | |||
| |||
Fødd | 16. juli 1983 (41 år) | ||
---|---|---|---|
Fødestad | Oslo | ||
Opphav | Noreg | ||
Sjanger | folkemusikk | ||
Instrument | fiolin, vokal, fele | ||
Verka som | songar, musikar, jazzmusikar |
Tuva Livsdatter Syvertsen (fødd 16. juli 1983 i Oslo) er ein norsk musikar og hardingfelespelar. Syvertsen er best kjend som felespelar, vokalist og frontfigur i musikkgruppa Valkyrien Allstars som ho starta saman med Ola Hilmen og Erik Sollid.[1]
Saman med Erik Sollid vann Syvertsen Edvard-prisen i 2015 i open klasse for musikken til Valkyrien-albumet Farvel slekt og vener.[2] Under Spellemannprisen 2020 vann Valkyrien Allstars klassen viser for albumet Slutta og byne medan Syvertsen vart nominert i klassen årets tekstforfattar.[3]
I 2010 var Syvertsen med i TV 2-programmet Det store korslaget der ho vart røysta ut i 3. episode av programmet. Hausten 2012 deltok ho i programmet Stjernekamp på NRK1 og kom heilt til finalen der ho tapte for Rita Eriksen.[4] I 2020 var Syvertsen ein av deltakarane i niande sesong av Hver gang vi møtes på TV 2.