Torvald Haavardstad | |
Statsborgarskap | Noreg |
Fødd | 21. november 1893 |
Død | |
Yrke | politikar |
Språk | norsk |
Politisk parti | Arbeidarpartiet |
Torvald Haavardstad (21. november 1893–9. mars 1965) var ein norsk lærar og politikar frå Evje i Aust-Agder. Han var stortingsrepresentant for Arbeidarpartiet i 1931-45 og 1950-53.
Haavardstad var son til ein gardbrukar, lensmann i Evje. Etter å ha teke eksamen ved Kristiansand lærarakule i 1914, var han det neste året lærar i Kristiansand og Randaberg. Etter eit befalskurs i 1915/16 var han løytnant i nøytralitetsvernet 1916-18. Frå 1919 var han lærar, og seinare skulestyrar, i heimbygda Evje til 1961. Kyrkjesongar i Evje frå 1928 til 1956.
Frå 1923 til 1965 var Haavardstad medlem av del lokale heradsstyret. Han var ordførar i Evje frå 1929 til han var avsett av NS-styresmaktene i 1942, på ny ordførar 1945-49. Haavardstad byrja i 1960 på si tredje periode som ordførar i Evje. Då den nye kommunen Evje og Hornnes såg dagens lys frå 1962 var han ordførar i denne i ein fireårsperiode.
Ved stortingsvalet hausten 1930 vart Haavardstad vald inn på Stortinget frå nyår 1931, og vart attvald både i 1933 og 1936. Han kom tilbake på Tinget i perioden 1950-53, då han var medlem av Finanskomiteen. Visesekretær i Odelstinget 1937-45 og 1950-53. Haavardstad var medlem i kyrkjelovsnemnda frå 1938 og i tilsynsnemnda for Sørlandsbanen frå 1945.