Tingelstad gamle kyrkje | |||
kyrkje | |||
Land | Noreg | ||
---|---|---|---|
Fylke | Innlandet | ||
Kommune | Gran | ||
Kyrkjesamfunn | Den norske kyrkja | ||
Bispedøme | Hamar | ||
Prosti | Hadeland og Land | ||
Sokn | Gran/Tingelstad | ||
Fellesråd | Gran | ||
Type | Langkyrkje | ||
Teknikk | Mur | ||
Material | Stein | ||
Innvigd | Ca. 1220 | ||
• Vigd til | Apostelen Peter (omstridt) | ||
Takryttar | På skipet | ||
Kor | 7 m x 8,5 m | ||
Skip | 14 m x 11 m | ||
Kyrkjegard | Nei | ||
Preikestol | Knud og Rasmus Hansen, 1579 | ||
Døypefont | Ca. 1600 | ||
Altartavle | Isak Israelsen, 1699 | ||
Sitjeplassar | Ca. 100 | ||
Diverse | Gotisk krusifiks over koropninga | ||
Tingelstad gamle kyrkje 60°23′38″N 10°30′37″E / 60.3939°N 10.5102°E | |||
Wikimedia Commons: Tingelstad gamle kirke |
Tingelstad gamle kyrkje (ofte kalla St. Petri) er ei steinkyrkje frå mellomalderen på Tingelstadhøgda i Gran kommune i Innlandet fylke. Ein meiner at kyrkja vart oppført omkring 1220, då tømmeret i takkonstruksjonen skal vere felt i 1219–20.
Kyrkja kom ut av bruk då Tingelstad nye kyrkje vart innvigd i 1866. Den gamle kyrkja vart då stengd, men ikkje riven. Inventaret er noko av det best bevarte eldre kyrkjeinteriøret i landet, men berre steinalteret og krusifikset over korbogen er frå mellomalderen. Eit gamalt altarfrontale er i Oldsaksamlinga, og det er laga ein kopi til kyrkja. Også den opphavlege vindfløya herfrå er i Oldsaksamlinga.