The Surfaris
The Surfaris med Bob Berryhill.

Opphav	Glendora i California
Aktiv	Sidan 1962
Sjanger	Surferock
Plateselskap	DFS, Princess, Dot, Decca, GNP Crescendo, MGM Records
Medlemmer	Bob Berryhill
Tidlegare medlemmer	Ron Wilson Pat Connolly Jim Pash Ken Forssi Jim Fuller

The Surfaris var eit amerikansk surfemusikkband starta i Glendora i California i 1962. Dei er mest kjend for to songar som nådde listene i Los Angeles-området og nasjonalt i mai 1963. Desse var «Surfer Joe» på A-sida og «Wipe Out» på B-sida.

Det opphavlege bandet bestod av Ron Wilson (trommer), Jim Fuller (sologitar), Bob Berryhill (rytmegitar) og Pat Connolly (bass). Saksofonisten Jim Pash kom med i bandet etter innspelinga av «Wipe Out» / «Surfer Joe». Ken Forssi, som seinare spelte i bandet Love, spelte bass med The Surfaris, og det same gjorde Jck Oldham, som spelte med gruppa frå 1966 til 1967.

Den energiske trommesoloen til Wilson gjorde «Wipe Out» til ein av dei best hugsa instrumentale rockesongane frå perioden. «Wipe Out» vert òg hugsa for introduksjonen før musikken startar, ein knekkelyd (som skal høyrast ut som eit surfebrett som bryt) og ein manisk latter etterfølgd av dei to einaste orda i songen, «wipe out».

Bandet gav ut fleire plater, men berre to andre singlar, «Surfer Joe» og «Point Panic», nådde listene. The Surfaris gjekk frå kvarandre i 1966, men har periodsvis kome attande og er framleis delvis aktive.

«Wipe Out» vert nytta i filmen Dirty Dancing.