Bortsett frå kong Taksin, som oppretta Siam (no Thailand) i 1768, har alle kongane av Thailand høyrt til Chakri-dynastiet. I tillegg til kongane har andre kongelege fungert som regentar når kongane har vore mindreårige, i kloster eller utanlands over lengre tid.
Namnet Chakri kjem frå tittelen Chao Pharaya Chakri som høyrde til generalen som fekk trona ettar at Taksin var styrta — Rama I eller Buddha Yodfa Chulalok den store. Namnet chakri, og emblemet for kongehuset, er ei samantrekking av [sudarshana] chakra ('diskos') og trisula ('trefork), våpen som høyrer til guden Narai (Visjnu), som kongane i dette dynastiet blir rekna som personleggjeringar av.