Tellef Dahll (fødd 10. april 1825 i Kragerø, død 17. juni 1893 i Morgedal) var ein norsk geolog.

Han tok cand.min. i 1846 i Christiania og vart i 1850 bestyrar av Neskilens jerngruver ved Arendal. I 1861 vart han geschworner i vestre sønnafjelske distrikt og i 1872 bergmeister på same stad. Etter at Noregs geologiske undersøkingar vart skipa i 1858, leia han saman med Theodor Kjerulf den geologiske kartlegginga av Noreg. Først arbeidde han på Sørlandet og seinare i Nord-Noreg. Han oppdaga mellom anna apatittførekomstane i Bamble, gullet i Finnmark, kolet på Andøya og nikkelførekomstane på Senja.

Han gav ut mange geologiske kart og vitskaplege arbeid. Han representerte Bratsberg amt på Stortinget i 1865-1866.

Verk

Mineralogiske Iagttagelser omkring Arendal og Kragerø (sm.m. David Forbes), i NMfN 8, 1855, s. 213–229
Profile durch die Gegend von Skien, Porsgrund und Langesund, i NMfN 9, 1856, s. 306–333
Om Tellemarkens Geologie, i NMfN 11, 1861, s. 137–172
Om Kongsbergs Ertsdistrikt (sm.m. Th. Kjerulf), i NMfN 11, 1861, s. 173–207
Om Jernertsenes Forekomst ved Arendal, Næs og Kragerø (sm.m. Th. Kjerulf), 1861
Geologisk Kart over det søndenfjeldske Norge omfattende Christiania, Hamar og Christiansands Stifter (sm.m. Th. Kjerulf), 1866
Geologisk Kart over Det nordlige Norge, 1879

Kjelder