Spice Girls | |||
Spice Girls framfører under gjenforeningen deira i Toronto i februar 2008. Venstre til høgre: Melanie Chisholm, Victoria Beckham, Geri Halliwell, Melanie Brown og Emma Bunton. | |||
Opphav | London i England | ||
---|---|---|---|
Aktiv | 1994–2000, 2007–08, 2012 | ||
Sjanger | Dansepop | ||
Plateselskap | Virgin Records EMI Records | ||
Tidlegare medlemmer | Victoria Beckham Melanie Brown Emma Bunton Melanie Chisholm Geri Halliwell |
Spice Girls var ei britisk jentegruppe skipa i 1994. Bandet spelte dansepop og hadde fem medlemmar, kvar med sitt kallenamn: Melanie Brown («Scary Spice»), Melanie Chisholm («Sporty Spice»), Emma Bunton («Baby Spice»), Geri Halliwell («Ginger Spice»), og Victoria Beckham («Posh Spice»). Spice Girls skreiv kontrakt med plateselskapet Virgin Records og gav ut debutsingelen «Wannabe» i 1996. Singelen nådde førsteplassen på topplistene i meir enn 30 land og bidrog til å etablere gruppa som eit globalt fenomen. Debutalbumet deira, Spice, blei selt i meir enn 30 millionar eksemplar i heile verda, og var det bestseljande albumet av ei kvinneleg gruppe i musikkhistoria. Det andre albumet deira, Spiceworld, blei selt i meir enn 20 millionar eksemplar.[1][2][3][4] Totalt har dei selt over 100 millionar plater i heile verda,[5][6][7] noko som gjer dei til den mestseljande kvinnelege musikkgruppa nokon sinne, ei av dei mestseljande popgruppene nokon sinne,[5][8] og det største britiske pop-fenomenet sidan Beatlemania.[9][10]