Sjamal eller shamal er ein nordvestleg vind som bles over Irak og statane kring Persiabukta (inkludert Saudi Arabia og Kuwait). Han er ofte kraftig om dagen, men minkar om natta.[1] Vinden kan oppstå når som helst på året, hovudsakleg om sommaren, men stundom òg om vinteren.[1] Vinden fører ofte til store sandstormar som råkar Irak. Det meste av sanden er plukka opp i Jordan og Syria.