Rustefjelbma | |||
Ruostefielbmá Ruostefjelma | |||
tettstad | |||
Tana kyrkje i Rustefjelbma.
| |||
Land | Noreg | ||
---|---|---|---|
Fylke | Finnmark | ||
Kommune | Tana | ||
Folketal | 164 (2023) | ||
Rustefjelbma 70°23′55″N 28°11′36″E / 70.39861111°N 28.19333333°E | |||
Wikimedia Commons: Rustefjelbma, Tana | |||
Rustefjelbma (nordsamisk Ruostefielbmá, kvensk Ruostefjelma) er ei bygd i Tana kommune i Finnmark.[1] Staden ligg på vestsida av Tana-elva,[2] rundt 23 kilometer nord for kommunesenteret Tana bru. Grunnkrinsen Boftsa/Rustefjelbma hadde 164 innbyggjarar den 1. januar 2017.[3] Det samiske namnet «Ruostefielbmá» er truleg danna av ruosta, 'rust', og fielbmá, 'stilleflytande elv'.[4]
Fylkesveg 98 går gjennom bygda, og Fv281 går nordover til Bonakas og Tanagård. Ved krysset mellom dei to vegane ligg Tana kyrkje. Om vinteren går ein isveg over til austsida av Tana ved Rustefjelbma.[5]
Sovjetunionen sin hær, Raudehæren, stansa framrykkinga si i Rustefjelbma i november 1944, under felttoget mot den tyske okkupasjonsmakta.[6]
28. januar 1999 blei det målt ein kulderekord på -44,5 grader i Rustefjelbma.[4]