Rolf Schjerven | |
Statsborgarskap | Noreg |
Fødd | 15. oktober 1918 |
Død |
26. oktober 1978 (60 år) |
Yrke | politikar, bonde |
Språk | norsk |
Politisk parti | Høgre |
Far | Nils Schjerven |
Rolf Schjerven (15. oktober 1918–26. oktober 1978) var ein norsk gardbrukar og politikar frå Lardal i Vestfold. Nils Schjerven var far hans.
Schjerven tok examen artium i 1941 og utdanna seg til sivilagronom ved Noregs landbrukshøgskule 1941-45. Han var sidan gardbrukar på farsgarden Øvre Schjerven i Lardal frå 1946 til 1978.
Schjerven var medlem i Lardal kommunestyre 1945–55, 1960–63 og 1972–76. Frå 1961 til -69 representerte han Vestfold og Høgre på Stortinget, alle sesjonane var han medlem i Landbrukskomitéen.
Frå 1951 til -62 var Schjerven styreformann ved Vestfold landbruksskole og i tida 1968-78 nestformann i Statens Kornforretning.
Schjerven deltok i andre verdskrigen og vart tildelt Deltakarmedaljen.