Rolf Myklebust. (27. november 1908–19. juni 1990)^[1] var ein norsk fiolinist, kapellmeister og programskapar.

Myklebust var frå Stryn, der faren var skreddar og felespelar. Rolf tok utdanning ved Musikkonservatoriet i Oslo, og hos konsertmester Gustav Fredrik Lange. Han debuterte i 1931 og gav i åra etter konsertar kring om i landet. Myklebust var lærar i felespel på Musikkonservatoriet frå 1935 til 1952. Han var 1. fiolinist i Oslo-Filharmonien frå 1940 til 1952 da han måtte gje opp musikarkarrièren grunna ein skade i venstrehanda. Myklebust leia sitt eige orkester frå 1945 til langt ut på femtitalet. Rolf Myklebusts ensemble og Turdansensemblet spela òg inn grammofonplater med turdansar. Verksemda vart ført vidare i mellom anna Kai Angel Næsteby s ensemble.

Myklebust vart i 1952 tilsett som programsekretær i Norsk Rikskringkasting NRK, med ansvar for folkemusikken. Denne avdelinga leia han fram til 1978, og samla i desse år inn over tretti tusen lydopptak. Alle åra leia han programposten Folkemusikkhalvtimen.

Myklebust budde og døydde i Oslo.

• Kongens fortenestmedalje i gull, 1978
• Kringkastingsprisen, 1978
• Sogn og Fjordane fylkeskulturpris
• Æresmedlem i Norsk Musikerforbund og Landslaget for spelemenn^[2]

• 1982 – Femti år med folkemusikk (Oslo: Samlaget) I fulltekst ved nb.no

• Lokalhistoriske artiklar Sogn og Fjordane

• Bokmålswikipedia
• Norsk Allkunnebok, VIII. bandet, 1957-58

• Om Rolf Myklebust i Lokalhistoriske artiklar Sogn og Fjordane