Rasmus Hidle | |
![]() | |
Statsborgarskap | Noreg |
Fødd | 19. juli 1857 |
Død | |
Yrke | politikar |
Politisk parti | Venstre |
Rasmus Hidle på Commons |
Rasmus Jakobsson Hidle (19. juli 1857–15. juni 1944) var ein norsk gardbrukar og politikar frå Sjernarøy i Rogaland. Han var stortingsmann for Venstre i tida før og under fyrste verdskrigen.
Far hans var gardbrukar på Hidle, og han tok sjølv over farsgarden i 1882. Nokre år tidlegare, skulevinteren 1875-76, gjekk han eit kurs på amtsskulen på Finnøy. Hidle var medlem av heradsstyret i Sjernarøy frå 1886, ordførar i årå 1905-16. Han var elles forlikskommissær i ni år og åstadskommissær i mange år.
Hidle møtte på Stortinget fyrste gongen som varamann frå Ryfylke krins 8. april-6. mai 1907 og på ny 9. mai-5. juni 1908. Også i valperioden 1911-13 møtte han som varamann i tida frå 15. mai til 13. juni 1913. Ved alle desse tre høva møtte han i Vegkomiteen og i Lagtinget i staden for Lars Rasmussen. Perioden 1916-18 var han fast representant for einmannskrinsen Ryfylke, også då han hadde plass i Vegkomiteen.