Peter Rinnan | |||
![]() | |||
Fødd | 16. april 1845 Trondheim | ||
---|---|---|---|
Død | 8. januar 1929 (83 år) | ||
Statsborgar av | Noreg | ||
Parti | Høgre | ||
Yrke | politikar, tollar, skippar | ||
Alle verv |
|
Ole Peter Schjølberg Rinnan (16. april 1845–8. januar 1929) var ein norsk sjømann og tollbuformann frå Trondheim, aktiv politikar for partiet Høgre.
Rinnan var son til ein skipper i Trondheim, men voks opp i Ibestad hos farbroren Ole P. Schjølberg fram til konfirmasjonsalderen. Han arbeidde som snikkar 1860-65, og var sjømann i kystfart med reiarlaget Nordenfjeldske frå 1865 til 1876. Frå 1872 hadde han styrmannseksamen og frå 1876 skipperborgarskap. Han var så dampskipsførar i kystfart og utanriksfart til 1881 og skipsførar til 1891. Frå 1891 var han arbeidsformann ved tollbua i Trondheim.
Rinnan var medlem av Trondheims bystyre 1895–1901, og av formannskapet i byen 1895–98. Perioden 1904-06 representerte han bykrinsen Trondheim og Levanger på Stortinget, der han var medlem av kyrkjekomitéen.
Han vart tildelt 7. juni-medaljen.