Peter Gustav Zwilgmeyer | |||
Fødd | 6. januar 1813 Ås kommune | ||
---|---|---|---|
Død | 14. juni 1887 (74 år) | ||
Statsborgar av | Noreg | ||
Yrke | byfogd, politikar | ||
Far | Heinrich Carl Zwilgmeyer | ||
Barn | Dikken Zwilgmeyer, Ludvig Daae Zwilgmeyer | ||
Alle verv |
|
Peter Gustav Zwilgmeyer (6. januar 1813–14. juni 1887) var ein norsk jurist, embetsmann og stortingsmann frå Ås i Akershus. Han var far til Dikken og Ludvig Zwilgmeyer. Kona hans var syster til statsråd Ludvig Daae.
Zwilgmeyer var son til ein språklærar innvandra frå Tyskland. Sjølv vart han student i 1830 og cand.jur. i 1834. Deretter var han fullmektig hos sorenskrivar i fem år, før han vart prokurator ved underretten i Romsdal 1841 og Tønsberg 1843. Han arbeidde som kopist 1849-51, sidan var han justissekretær ved stiftsoverretten i Trondheim fram til 1860. Tida 1860 til 1878 var han byfut i Risør.
Zwilgmeyer var Østerrisør sin representant på Stortinget 1865-66, der han var sekretær i kyrkjekomiteen. Dei neste tre stortingsperiodane var han varamann til Stortinget.
Han var busett i hovudstaden frå 1878 og døydde der i 1887.