Paul Thyness | |
Statsborgarskap | Noreg |
Fødd | 10. april 1930 Aker kommune |
Død | |
Yrke | politikar, statsvitar |
Språk | norsk |
Politisk parti | Høgre |
Medlem av | Israels venner |
Paul Thyness (10. april 1930–30. mars 2016) var ein norsk politikar, fødd og død i Oslo. Han var stortingsrepresentant 1965-81 frå Oslo og for partiet Høgre.
Thyness var son til ein farmasøyt. Etter artium ved Frogner skole i Oslo i 1948 studerte han statsvitskap og historie ved Universitetet i Oslo, og vart cand.philol. i 1955. I studietida var han formann i Den Konservative Studenterforening, samt aktiv bidragsytar til tidsskriftet Minerva og avisa i Morgenbladet.
I 1956 fekk Thyness stilling som utgreiingsleiar i partiet Høgre, seinare også som sekretær i stortingsgruppa. Då John Lyng danna regjering i 1963 var Thyness statssekretær på statsministerkontoret. Frå 1965 til 1981 var Thyness var vald inn på Stortinget frå Oslo. På Tinget var han medlem i Forsvarskomiteen 1965–73, Utanriks- og konstitusjonskomiteen 1973–77 og Finanskomiteen 1977–81.
Etter han forlet Stortinget arbeidde Thyness i FNs utviklingsprogram (UNDP) i New York til 1988, der var han president i hjelpeorganisasjonane CARE Norge og CARE International. Han var 1992-98 formann i representantskapen til Noregs Bank.
Thyness var styreformann i Norges Utenrikspolitiske Instititt (NUPI) i periodane 1972–78 og 1988–92, samt president i Nordmanns-Forbundet 1975–80.