Ole Paus | |||
![]() | |||
Fødd | 9. februar 1947 | ||
---|---|---|---|
Fødestad | Oslo | ||
Død | 12. desember 2023 (76 år) | ||
Dødsstad | Drammen kommune | ||
Opphav | Noreg | ||
Aktiv | 1970–2016 | ||
Sjanger | vise | ||
Instrument | gitar, vokal | ||
Plateselskap | Kirkelig Kulturverksted | ||
Verka som | visesanger, skribent, låtskrivar, plateartist, programleiar | ||
Far | Ole Paus | ||
Gift med | Anne-Karine Strøm, Randi Heide, Benedicte Paus | ||
Sambuar med | Henny Moan | ||
Born | Marcus Paus | ||
Prisar | Spellemannprisen i visesang, Leif Justers ærespris, Tekstforfatterfondets ærespris, Booth-prisen, Solprisen, Årets spellemann, Juryens hederspris i Spellemannprisen, Lytterprisen, Anders Jahres Kulturpris, Kommandør av St. Olavs Orden |
Ole Christian Paus (9. februar 1947–12. desember 2023) var ein norsk forfattar, musikar og songar. Han var særleg kjend som visesongar, men framførte også mellom anna salmar. Paus var programleiar for prateprogram på TV2 og TV3.
Ole Paus vann Spellemannprisen 1976 i klassen visesong for albumet I anstendighetens navn og Gammleng-prisen i klassen vise i 1995. I 2001 mottok han Alf Prøysens Ærespris. Han fekk juryens heiderspris under Spellemannprisen 1998 og blei Årets spellemann 2013.
Paus var son av generalmajor Ole Otto Paus, og høyrer til slekta Paus som har ei lang historie i Noreg. Han har ein bror. Ole Paus voks opp i Oslo, Trondheim og Stockholm, der faren var norsk militærattaché på 1950-talet, og bur på Frogner i Oslo.
Ole Paus var sambuar med Henny Moan og gift med Anne Karine Strøm, Randi Heide og Benedicte Paus. Komponisten Marcus Paus er son av Ole Paus og Anne Karine Strøm. Han hadde også ein son med Henny Moan og to døtrer som han adopterte saman med Randi Heide.
Ole Paus fekk hjelp til si første utgjeving av visesongaren Alf Cranner, som var svært begeistra for visene hans. Som 23-åring gav han ut debutplata Der ute – der inne. Alf Prøysen var også imponert, og introduserte Paus for forlaget Tiden. Året etter platedebuten gav han ut si første bok,diktsamlinga Tekster fra en trapp.