Ole Ivar Evjenth | |||
![]() | |||
Fødd | 20. januar 1784 Trondheim | ||
---|---|---|---|
Død | 28. januar 1839 (55 år) | ||
Statsborgar av | Noreg | ||
Yrke | politibetjent | ||
Alle verv |
|
Ole Iver Evjenth (fødd 20. januar 1784 i Trondhjem, daud 28. januar 1839), òg skrive Ole Ivar Evjent, var ein norsk lensmann og stortingsrepresentant.
Evjenth var son av sjømann Ivar Evjenth og Maren Tønnesen.[1] Han arbeidde som sorenskrivarkontorist nokre år før han vart lensmann i Skjerstad i 1814.[1] Han hadde kome til Skjerstad i 1804, og budde på Ljønes først, så på Tapstad og endeleg Utvik frå han vart lensmann.[2] Han var først gift med Lava[3] Nilsdatter frå Vefsn og sidan med Harovicha Birgithe Chrstensen frå Skjerstad.[4] Det var seks born i første ekteskap og sju born i andre.[4]
Evjenth vart vald inn på Stortinget for Nordland amt første gong i 1818 og deretter i 1821 og 1839. Han døydde i nærleiken av Eidsvoll då han var på ferd for å møte i Stortinget 1839. Han var òg vararepresentant til stortinget 1830–32 og 1836–38.[1]