Nikolaus von Falkenhorst | |||
![]() | |||
Fødd | 17. januar 1885 | ||
---|---|---|---|
Fødestad | Wrocław | ||
Død | 18. juni 1968 | ||
Dødsstad | Holzminden | ||
Rang | Generaloberst | ||
Eining | Den tyske keiserlige hær | ||
Konfliktar | den fyrste verdskrigen, andre verdskrigen, Danmark under andre verdenskrig |
Nikolaus von Falkenhorst (17. januar 1885–18. juni 1968) var ein tysk general under andre verdskrigen.
Falkenhorst var fødd i Breslau i det dåverande Tyskland i ein prøyssisk offiser-familie utan jordeigedomar. Fødenamnet var Nicolaus von Jastrzembski, men etternamnet vart endra i 1911. Berre 12 år gamal vart han kadett og fullførte krigsskulen i Potsdam i 1904.
21. februar 1940 fekk general von Falkenhorst i oppdrag av Adolf Hitler å førebu overfallet på Danmark og Noreg. Kodenamnet for den militære operasjonen var operasjon Weserübung. Den 10. april flaug han frå Hamburg til Fornebu. Den 25. juli vart han utnemnd til Wehrmacht-befehlshaber Norwegen, den øvste tyske militære i Noreg. Året etter leia han ei tid operasjonane nord i Finnmark. Han vart avløyst av generaloberst Lothar Rendulic 18. desember 1944. Om lag ein månad seinare overtok general Franz Bohme.
Når situasjonen var «normal», styrte Reichskommissar Josef Terboven nesten uinnskrenka i Noreg. Berre om det var fare for akutt militær oppstand, skulle den fulle makta gå til Falkenhorst.