Little Games Studioalbum av The Yardbirds | ||
Språk | engelsk | |
Utgjeve | 10. juli[1][2] eller 24. juli[3] [4] 1967 | |
Innspelt |
| |
Studio | Olympic & De Lane Lea i London | |
Sjanger | ||
Lengd | 30:28 | |
Selskap | Epic | |
Produsent | Mickie Most | |
Amerikansk The Yardbirds-kronologi | ||
---|---|---|
The Yardbirds Greatest Hits (1967) |
Little Games | Featuring Performances By: Jeff Beck Eric Clapton Jimmy Page (1970)
|
Meldingar | |
---|---|
Karakter | |
Kjelde | Karakter |
AllMusic – Little Games | [5] |
AllMusic – Little Games Sessions & More | [6] |
The New Rolling Stone Album Guide – Little Games | [7] |
Little Games er det fjerde amerikanske albumet til den engelske rockegruppa The Yardbirds. Det vart spelt inn og gjeve ut i 1967, og var det første albumet deira etter dei vart ein kvartett med Jimmy Page som sologitarist og Chris Dreja på bass. Det var det einaste Yardbirds-albumet som vart produsert av Mickie Most.
Sjølv om den nye besetninga vart meir eksperimentell med lengre, improviserte konsertframføringar, henta plateselskapet til Yardbirds inn den suksessrike produsenten Most for å få ut eit meir kommersielt produkt. Men verken materialet som representerte den nye retninga deira eller hitsinglane deira var imøtekomande. Little Games vart det siste Yardbirdsalbumet, sjølv om Most fortsette å produsere singlar for gruppa. Desse vart seinare samla og gjevne ut som eit originalt album med andre opptak og alternative miksar som Little Games Sessions & More i 1992.
Etter suksessen med dei førre albuma Having a Rave Up with The Yardbirds (1965) og Yardbirds/Over Under Sideways Down (1966), slutta det opphavlege medlemmet og bassisten Paul Samwell-Smith for å satse på ein karriere som produsent. Han vart erstatta på bass av studiogitaristen Jimmy Page, som Yardbirds opphavleg hadde spurt om å erstatte Eric Clapton. Page spelte berre bass ei kort stund og byta etter kvart til sologitar ved sidan av Jeff Beck, medan rytmegitaristen Chris Dreja tok over på bass. I 1966 skapte Beck/Page-besetninga den psykedeliske «Happenings Ten Years Time Ago», «Psycho Daisies» og «Stroll On», ein oppdatert versjon av «The Train Kept A-Rollin'» for Michelangelo Antonioni-filmen Blow-Up. Mot slutten av 1966 fekk Beck sparken etter ein sjukdom som hindra han å spele konsertar på ein turné i USA, og bandet fortsette som ein kvartett med Page som den einaste gitaristen.
Under turneane i 1966 og 1967 vart musikken deira meir eksperimentell med lengre, improviserte sett med lysshow, filmklipp og lydsamplingar. Materialet deira vart meir variert og introduserte songar som «Dazed and Confused», Jimmy Page sitt gitarstykke «White Summer», The Velvet Underground sin «I'm Waiting for the Man», og lange medleyar med omarbeidde versjonar av «I'm a Man» og «Smokestack Lightning».
Trass i denne musikalske endringa, vart Mickie Most, mest kjend for å skape hittar for Herman's Hermits og Donovan, henta inn av EMI som plateprodusent. Most var ikkje oppdatert på den nye musikalske trendane, og sjølv om Page tidlegare hadde arbeidd mykje med Most som studiogitarist, var han visstnok misnøgd med at Most tok over produksjonen.[8][9]
Den første Micke Most-involverte innspelinga fann stad i Olympic Studios i London den 5. mars 1967. Denne innspelinga skapte singlene «Little Games» med B-sida «Puzzles». Sjølv om Dreja og trommeslagaren Jim McCarty var til stades for å spele inn «Little Games», brukte Most studiomusikarane John Paul Jones (bass og celloarrangement) og Dougie Wright (trommer) for å bruke så lita studiotid som mogeleg. Resten av songane for Little Games vart spelte inn i løpet av tre dagar i De Lane Lea Studios i London frå 29. april til 1. mai 1967, igjen med studiomusikarar som Jones (bass på «No Excess Baggage») og Ian Stewart (piano på «Drinking Muddy Water»).
Innspelinga vart gjort så kjapt at gruppa ofte ikkje fekk høyrt gjennom songane då dei var ferdige. Page sa «det var gjort så fandens raskt. Alt vart gjort på eitt forsøk fordi Mickie Most berre var interessert i singlar og meinte det ikkje var verdt å bruke tid på å gjere albumspora skikkeleg».[10] Yardbirds-biografen Gregg Russo skriv at dette førte til at mange av songane høyrest ut som demoinnspelingar.[11]
Nr. | Tittel | Låtskrivar(ar) | Lengd |
---|---|---|---|
1. | «Little Games» | Harold Spiro, Phil Wainman | 2:25 |
2. | «Smile on Me» | Chris Dreja, Jim McCarty, Jimmy Page, Keith Relf | 3:16 |
3. | «White Summer» | Page | 3:56 |
4. | «Tinker, Tailor, Soldier, Sailor» | Page, McCarty | 2:49 |
5. | «Glimpses» | Dreja, McCarty, Page, Relf | 4:24 |
Nr. | Tittel | Låtskrivar(ar) | Lengd |
---|---|---|---|
1. | «Drinking Muddy Water» | Dreja, McCarty, Page, Relf | 2:53 |
2. | «No Excess Baggage» | Roger Atkins, Carl D'Errico | 2:32 |
3. | «Stealing Stealing» | Dreja, McCarty, Page, Relf | 2:42 |
4. | «Only the Black Rose» | Relf | 2:52 |
5. | «Little Soldier Boy» | McCarty, Page, Relf | 2:39 |
Liste (1967) | Plassering |
---|---|
US Billboard 200[12] | 80 |
År | Singel | Liste | Plassering |
---|---|---|---|
1967 | «Little Games» | US Billboard Hot 100[13] | 51 |
1967 | «Little Games» | US Cash Box Top 100 Singles Chart[13] | 48 |
1967 | «Little Games» | US Record World 100 Top Pop Chart | 44 |
1967 | «Little Games» | Australian Go-Set Top 40 Singles Chart[14] | 27 |
1967 | «Ha Ha Said the Clown» | US Billboard Hot 100[13] | 45 |
1967 | «Ha Ha Said the Clown» | US Cash Box Top 100[13] | 52 |
1967 | «Ha Ha Said the Clown» | US Record World 100 | 45 |
1967 | «Ten Little Indians» | US Billboard Hot 100[13] | 96 |
1967 | «Ten Little Indians» | US Cash Box Top 100[13] | 71 |
1968 | «Goodnight Sweet Josephine» | US Billboard «Bubbling Under the Hot 100»[13] | 127 |
The Yardbirds
Andre medverkande
Originale medlemmar (1963–68): Keith Relf · Paul Samwell-Smith · Chris Dreja · Jim McCarty · Top Topham · Eric Clapton · Jeff Beck · Jimmy Page
Seinare medlemmar (sidan 1992): John Idan · Gypie Mayo · Alan Glen · Jerry Donahue · Ben King · Johnny A. · Kenny Aaronson · Myke Scavone | |
Album | |
Konsertalbum | Five Live Yardbirds · Sonny Boy Williamson and the Yardbirds · Live Yardbirds! Featuring Jimmy Page · BBC Sessions · Reunion Jam · Live! Blueswailing July '64 · Live at B.B. King Blues Club · Making Tracks |
Samlealbum | The Yardbirds Greatest Hits · Shapes of Things · Cumular Limit · Ultimate! · Yardbirds '68 |
Singlar | «I Wish You Would» · «Good Morning, School Girl» · «For Your Love» · «Heart Full of Soul» · «Evil Hearted You» · «I'm a Man» · «Shapes of Things» · «You're a Better Man Than I · «Boom Boom» · «Over Under Sideways Down» · «Happenings Ten Years Time Ago» · «Ten Little Indians» |
Andre songar | «Let It Rock» · «Who Do You Love» · «You Can't Judge a Book by Looking at the Cover» · «Too Much Monkey Business» · «Smokestack Lightning» · «Five Long Years» · «The Sky Is Crying» · «My Girl Sloopy» · «Train Kept A-Rollin'» · «Spoonful» · «The Stumble» · «Dust My Blues» · «White Summer» · «Stealing Stealing» · «Most Likely You Go Your Way (And I'll Go Mine)» · «Dazed and Confused» · «Knowing That I'm Losing You» · «I'm Waiting for the Man» |
Tilknytte artiklar | Diskografien · Giorgio Gomelsky · Simon Napier-Bell · Mickie Most · Peter Grant · Cream · Jeff Beck Group · Led Zeppelin · Renaissance · Box of Frogs |