Finlands len (svensk län, finsk lääni) var ei geografisk og administrativ inndeling av Finland frå 1634 til 2009.
Lena var statlege administrative einingar som vart styrte av ein länsstyrelse (fi. lääninhallitus). I spissen for länsstyrelsen stod landshövdingen (fi. maaherra). Länsstyrelsen hadde ansvaret innan sosial- og helseteneste, undervising og kultur, politi, redningsteneste, trafikk, konkurranse- og forbrukarsaker og rettsforvalting.
Den 1. januar 2010 vart lena oppløyste og Finland blir no administrert berre på statleg og kommunalt nivå.[1] Forvaltingsoppgåvene til lena vart til dels overførte til landskapsforbunda, ei eldre administrativ inndeling, og til dels til dei nye forvaltingseiningane regionforvaltingsverka og nærings-, trafikk- og miljøsentralane. Landskapa har likevel ingen administrativ funksjon. Dei nye regionane som blir leidde av eit regionförvaltningsverk tilsvarar i stor grad dei tidlegare lena med unnatak av tidlegare Västra Finlands län, som er delt i to regionar. Oppgåver som er for store for den einskilde kommunen blir organiserte som kommunale samarbeid.
Lena vart innførte i 1634 då Finland var ein del av Sverige. I ei länsreform i 1997 slo dei dåverande elleve finske lena (unnateke Åland) seg saman til fem len. Åland vart ikkje påverka.
Finland var mellom 1997 og 2009 oppdelt i fem len og det sjølvstyrte landskapet Åland. Kvart len hadde eit statleg organ i form av ein länsstyrelse som ein statleg representant i lenet og forvaltar av det same innanfor områda sosial- og helsestell, undervisning og kultur, politi, redning, trafikk, konkurranse- og konsumentsaker i tillegg til justisforvalting. Länsstyrelsen vart leidd av landshövdingen.
Landskapet Åland er ikkje omfatta av endringa i 2010, og har ein høg grad av sjølvstende i høve til resten av Finland.
Lensinndelinga vart innført i 1634 medan Finland var ein del av Sverige. Etter ei lensreform i 1775 hadde Finland fylgjande seks len:
Det vart inga endring i lensforvaltinga då Finland vart eit storfyrstedøme under Russland i 1809, og i 1812 vart Viborgs guvernement sameint med Finland att, under namnet Viborgs län.
Etter ei ny lensreform i 1831 hadde Finland fylgjande åtte len:
Denne lensinndelinga skulle bli ståande nesten uendra til 1945. Då Finland vart sjølvstendig i 1917 ynskte ålendingane at Åland skulle bli sameint med Sverige att. For å motverke dette vart Ålands län utskild frå Åbo og Björneborgs län i 1918 og svensk vart det einaste offisielle språket på Åland. I 1936 vart Lapplands län utskild frå Uleåborgs län.
Etter tapet av store delar av Viborgs län i 1944 vart i 1945 den attverande delen av lenet døypt om til Kymmene län.
Etter 1945 hadde Finland dimed ti len som vist i tabellen nedanfor.
Kode |
Svensk namn | Finsk namn | Lensgrenser 1959 |
---|---|---|---|
1 | Nylands län | Uudenmaan lääni | |
2 | Kymmene län | Kymen lääni | |
3 | Åbo och Björneborgs län | Turun ja Porin lääni | |
4 | Tavastehus län | Hämeen lääni | |
5 | Sankt Michels län | Mikkelin lääni | |
6 | Vasa län | Vaasan lääni | |
7 | Kuopio län | Kuopion lääni | |
8 | Uleåborgs län | Oulun lääni | |
9 | Lapplands län | Lapin lääni | |
10 | Ålands län | Ahvenanmaan lääni |
I 1960 vart Mellersta Finlands län og Norra Karelens län skilde ut som eigne len. Finland hadde dimed tolv len, som vist i tabellen nedanfor.
Kode |
Svensk namn | Finsk namn | Folketal 1997[3][4] |
Areal (km²) 1997[4][5] |
Lensgrenser 1997 |
---|---|---|---|---|---|
1 | Nylands län | Uudenmaan lääni | 1 344 989 | 9 594 | |
2 | Kymmene län | Kymen lääni | 329 422 | 12 831 | |
3 | Åbo och Björneborgs län | Turun ja Porin lääni | 704 385 | 20 790 | |
4 | Tavastehus län | Hämeen lääni | 751 622 | 23 046 | |
5 | Sankt Michels län | Mikkelin lääni | 202 692 | 21 524 | |
6 | Vasa län | Vaasan lääni | 445 207 | 27 406 | |
7 | Mellersta Finlands län | Keski-Suomen lääni | 259 768 | 19 418 | |
8 | Kuopio län | Kuopion lääni | 256 742 | 20 062 | |
9 | Norra Karelens län | Pohjois-Karjalan lääni | 175 137 | 21 584 | |
10 | Uleåborgs län | Oulun lääni | 452 942 | 61 602 | |
11 | Lapplands län | Lapin lääni | 199 051 | 98 984 | |
12 | Ålands län | Ahvenanmaan lääni | 25 392 | 1 582 | |
Hele Finland | 5 147 349 | 338 424 |
Ved ei større lensreform i 1997 vart talet på len redusert frå tolv til seks. Samstundes vart kommunane slutta saman i tjue landskap som gjennom landskapsforbunda utgjorde ei kommunal forvalting på regionalt nivå. Lensdanninga i 1997 skulle berre vare i tolv år. Finlands siste len er vist i tabellen under.
Kode |
Svensk namn | Finsk namn | Folketall 2008[6] |
Areal (km²) 2009[5] |
Residensstad | Län før 1997 | Historiske landskap | |
---|---|---|---|---|---|---|---|---|
1 | Södra Finlands län | Etelä-Suomen lääni | 2 192 601 | 34 388 | Tavastehus | Nylands län, Kymmene län del av Tavastehus län |
Nyland, Tavastland, Karelen | |
2 | Västra Finlands län | Länsi-Suomen lääni | 1 881 806 | 81 149 | Åbo | Mellersta Finlands län, Åbo och Björneborgs län, Vasa län del av Tavastehus län |
Egentliga Finland, Tavastland, Satakunda, Österbotten | |
3 | Östra Finlands län | Itä-Suomen lääni | 571 184 | 60 719 | St. Michel | S:t Michels län, Kuopio län, Norra Karelens län | Savolax, Karelen | |
4 | Uleåborgs län | Oulun lääni | 469 304 | 61 602 | Uleåborg | Uleåborgs län | Österbotten, Västerbotten | |
5 | Lapplands län | Lapin lääni | 183 963 | 98 984 | Rovaniemi | Lapplands län | Lappland, Österbotten, Västerbotten | |
6 | Ålands län | Ahvenanmaan lääni | 27 456 | 1 582 | Mariehamn | Ålands län | Åland | |
Heile Finland | 5 326 314 | 338 424 |
![]() |
![]() |
![]() |
![]() |
![]() |
![]() |
Lapplands län | Uleåborgs län | Södra Finlands län | Västra Finlands län | Östra Finlands län | Ålands län |
Len | Residensstad | Årstal | Skildring |
---|---|---|---|
Åbo och Björneborgs län | Åbo | 1634-1997 | Omfatta landskapa Egentliga Finland, Åland og Satakunta. Ålands län separat i 1918. |
Nylands och Tavastehus län | Helsingfors / Tavastehus | 1634-1831 | Omfatta landskapa Nyland og Tavastland. |
Österbottens län | Uleåborg / Vasa | 1634-1775 | Omfatta landskapet Österbotten. |
Viborgs och Nyslotts län | Viborg | 1634-1721 | Omfatta landskapet Savolax og vestre delen av landskapet Karelen. |
Kexholms län | Kexholm | 1634-1721 | Omfatta nordlege og austre delen av landskapet Karelen. |
Kymmenegårds och Nyslotts län | Villmanstrand | 1721-1747 | Dei vestre og nordlege delar av Viborgs og Nyslotts län og Kexholms län. |
Kymmenegårds och Savolaks län | Lovisa | 1747-1775 | Dei vestre og nordlege delar av Kymmenegårds og Nyslotts län. |
Vasa län | Vasa | 1775-1997 | Den sørlege delen av Österbottens län. |
Uleåborgs län | Uleåborg | 1775-2009 | Den nordlege delen av Österbottens län. |
Kymmenegårds län | Heinola | 1775-1831 | Den sørlege delen av Kymmenegårds og Savolaks län. |
Savolaks och Karelens län | Kuopio | 1775-1831 | Den nordlege delen av Kymmenegårds og Savolaks län. |
Viborgs län | Viborg | 1812-1945 | Dei sørlege og vestre delar av det tidlegare Viborgs og Nyslotts län og Kexholms län. |
Nylands län | Helsingfors | 1831-1997 | Den sørlege delen av Nylands og Tavastehus län og Kymmenegårds län. |
Tavastehus län | Tavastehus | 1831-1997 | Den nordlege delen av Nylands og Tavastehus län. |
S:t Michels län | S:t Michel | 1831-1997 | Den sørvestre delen av Kuopio län og den nordlege delen av Kymmenegårds län. |
Kuopio län | Kuopio | 1831-1997 | Tidlegare Savolaks og Karelens län. |
Ålands län | Mariehamn | 1918-2009 | Landskapet Åland. |
Petsamo län | Petsamo | 1921-1921 | Petsamo-området. |
Lapplands län | Rovaniemi | 1938-2009 | Den nordlege delen av Uleåborgs län. |
Kymmene län | Kouvola | 1945-1997 | Den vestre delen av Viborgs län. |
Mellersta Finlands län | Jyväskylä | 1960-1997 | Delar av Kuopio, S:t Michels, Tavastehus og Vasa län. |
Norra Karelens län | Joensuu | 1960-1997 | Den austre delen av Kuopio län. |
Södra Finlands län | Åbo | 1997-2009 | Nylands län, Kymmene län, del av Tavastehus län. |
Västra Finlands län | Tavastehus | 1997-2009 | Mellersta Finlands län, Åbo och Björneborgs län, Vasa län, del av Tavastehus län. |
Östra Finlands län | St. Michel | 1997-2009 | S:t Michels län, Kuopio län, Norra Karelens län. |