Kristian Elster d.e. | |
Statsborgarskap | Noreg |
Fødd | 4. mars 1841 Homstad i Skage |
Død |
11. april 1881 (40 år) |
Yrke | litteraturkritikar, forfattar, journalist, forstmann |
Born | Kristian Elster d.y. |
Kristian Mandrup Elster (fødd 4. mars 1841 i Overhalla[1], død 11. april 1881), var ein norsk forfattar og forstmann.
Elster vaks først opp i Overhalla, men i 1853 flytta familien til Førde i Sunnfjord, der far hans var sorenskrivar. 15 år gammal vart han send til Christiania for å gå på skule der. Det var meninga at han skulle bli offiser, men det gjekk ikkje – han var for nærsynt. I 1867 reiste han til Giessen i Tyskland og utdanna seg til forstmann. Frå 1869 budde han i Kristiania og skapte seg eit namn som litteratur- og teaterkritikar i Aftenbladet og Norsk Folkeblad. I 1873 var han nokre månader konstituert forstmann i Valdres og vart så tilsett som forstassistent i Søndre Trondhjems amt, med bustad i Trondheim. Der budde han til han døydde av lungebetennelse 1881 og er begravet i Førde.
Han var son til sorenskrivar Christen Christensen Elster og far til Kristian Elster d.y. Elsters gate i Oslo er oppkalla etter han.