Knut Gjengedal (17. oktober 1900–14. februar 1973) var ein norsk lærar og forfattar frå Hyen.
Han debuterte i 1928 med Guten fraa einsemda, og skreiv i alt 13 bøker, alle på nynorsk, og av desse seks barnebøker. Skildringane frå bøkene hans er henta frå natur og nærområde i Gjengedalen i Hyen der han budde det meste av livet sitt. I 1937 vann han Melsom-prisen. Han fekk Kyrkje- og undervisningsdepartementet si premiering for den første barneboka, Kronekongen og andre soger (1948), og igjen for Bortanfor Blåbreen (1951). Barneboka Glomfolket (1954) vart sett på som eit debattinnlegg i kampen mot sentralisering.
Ei minnestøtte over han vart reist i 1991 ved skulen i austre Hyen der han hadde verket sitt.
- 1956 – Då bestefar lauga seg (Oslo: Norsk barneblad) I fulltekst ved nb.no [I: Skjemt og alvor : ymist or Juletre. Fyrste samling.]
- 1965 – Ein tjuv og ein tiggar og ein flokk rettferdige (Oslo: Samlaget) I fulltekst ved nb.no [I: Nynorsk novellekunst : ein antologi. Side 137-146]
- 1969 – Ein tjuv og ein tiggar og ein flokk rettferdige (Oslo: Samlaget) I fulltekst ved nb.no [I: Nynorske noveller : ein antologi. Side 178-186]
- 1971 – Ein tjuv og ein tiggar og ein flokk rettferdige (Oslo: Aschehoug) I fulltekst ved nb.no [I: Aschehougs litteraturutvalg for aldersgruppen 13-17. Bind 2. Side 38-45]
- 1990 – Brite Egga og Jakob Flun (Naustdal: Sogn og Fjordane forlag). ISBN 82-90576-13-7 I fulltekst ved nb.no [I: Ord gjennom år : dikting og diktarar frå Sunnfjord og Nordfjord : 1700-1986 : ein antologi. Ved Carl Lauritz Lund-Iversen. Side 80-82]
- 1990 – Ein far som seier seks (Naustdal: Sogn og Fjordane forlag). ISBN 82-90576-13-7 I fulltekst ved nb.no [I: Ord gjennom år : dikting og diktarar frå Sunnfjord og Nordfjord : 1700-1986 : ein antologi. Ved Carl Lauritz Lund-Iversen. Side 82-85]
- 1990 – Asle skrønemakar (Naustdal: Sogn og Fjordane forlag). ISBN 82-90576-13-7 I fulltekst ved nb.no [I: Ord gjennom år : dikting og diktarar frå Sunnfjord og Nordfjord : 1700-1986 : ein antologi. Ved Carl Lauritz Lund-Iversen. Side 85-88]