Kjole og kvitt, livkjole eller snippkjole er eit gallaantrekk for menn.
I klenaden inngår livkjole med lange skøytar bak, bukser med silkerender, kvit vest og kvit sløyfe. Buksa og jakka er vanlegvis av svart tøy. Buksa har silkeband som render i sidene. Kvit stiveskjorte, kvit vest og sløyfe høyrer til.[1]
Kjole og kvitt er etter det høgaste sivile gallaantrekket for menn,[1] i norsk kultur jamstilt med bunaden. Det er tradisjonell bryllupsklenad for brudgommen.
Fasongen går tilbake til motedrakten som blei vanleg for menn i 1820-åra.[1]