Jorma Kinnunen | |
![]() Jorma Kinnunen i 1965, med Terje Pedersen til venstre | |
Statsborgarskap | Finland |
Fødd | 15. desember 1941 Pihtipudas |
Død | |
Yrke | spydkastar, friidrettsutøvar |
Høgd | 175 centimeter |
Jorma Kinnunen på Commons |
Jorma Vilho Paavali Kinnunen (15. desember 1941–25. juli 2019) var ein finsk friidrettsutøvar frå Pihtipudas. Han vann sølvmedaljen i spydkast under Sommar-OL 1968, året etter sette han verdsrekord med 92,70 meter. Kinnunen var 174 cm høg, lite til spydkastar å vere, og vart gjerne kalla den vesle kjempa. Han var far til spydkastaren Kimmo Kinnunen.
Kinnunen deltok i tre olympiske sommarleikar og i tre europameisterskap i perioden 1964 til -72. Han vart nummer seks i dei olympiske sommarleikane både i 1964 og i 1972. Under dei olympiske sommarleikane 1968 i Mexico by utkjempa han ein drabeleg duell mot Janis Lusis. Etter 2. omgangen tok Lusis leiinga med eit kast på 86,34, berre fire cm føre Kinnunen. Denne stillinga stod seg fram til sjette og siste omgangen. Lusis opna omgangen med eit kast på heile 90,10 m. Også Kinnunen la på i sisteomgangen, men med 88,58 m vart det sølvplass.
18. juli 1969 sette Kinnunen verdsrekord i spydkast i Tammerfors med eit kast på 92,70 meter. Han var då mellom dei største favorittane under EM i Athen eit par månader seinare. Men han enda som nummer 10. Hans beste EM-prestasjon kom i 1971, då han på finsk heimebane kom på femteplass.
År | 1964 | 1965 | 1966 | 1968 | 1969 |
Lengde (m) | 77,73 | 82,48 | 84,10 | 85,80 | 89,72 |
Under det finske meisterskapet 1970 demonstrerte Kinnunen og kollega Pauli Nevala, gjennom tre "overtrampskast", både mot det finske friidrettsforbundet og mot finske media. Dei to protesterte mot det dei oppfatta som dårleg behandling.
År | 1963 | 1964 | 1965 | 1966 | 1968 | 1969 | 1970 | 1971 | 1972 | 1974 |
Lengde (m) | 75,33 | 84,63 | 88,14 | 84,10 | 88,58 | 92,70 | 90,00 | 87,78 | 85,50 | 80,56 |