Jokkmokks kommun | |||
kommune | |||
|
|||
Land | ![]() | ||
---|---|---|---|
Len | Norrbottens län | ||
Landskap | Lappland | ||
Del av | Lappland i Sverige, Q61679797, Q61669396 | ||
Areal | 19 334 km² | ||
• land | 17 601 km² | ||
• vatn | 1 734 km² | ||
Folketal | 5 113[1] (2011) | ||
![]() Jokkmokk 66°37′00″N 19°50′00″E / 66.616666666667°N 19.833333333333°E | |||
Wikimedia Commons: Jokkmokk Municipality |
Jokkmokk (nordsamisk Jåhkåmåhkke) ligg i det svenske länet Norrbottens län i landskapet Lappland. Administrasjonssenter i kommunen er Jokkmokk. Kommunen er den nest største kommunen etter Kiruna ut frå flatevidd. Kommunen grensar mot Noreg i vest og har grenser mot dei svenske nabokommunane Gällivare, Boden, Älvsbyn, Arvidsjaur og Arjeplog.
Jokkmokk vart grunnlagt på byrjinga av 1600-talet då kong Karl IX av Sverige valde å skape kyrkje- og marknadsplassar i det nordlege Sverige. Vintermarknaden Jokkmokks marknad som vert halde kvart år i februar vart først gongen halden i 1605.
Sidan 1950-talet har Jokkmokk opplevd ein storstilt utbygging av vasskraftsressursane i kommunen og kraftprodusenten Vattenfall har vore hjørnestensbedrifta i kommunen. Kommunen står for 10% av vasskraftproduksjonen i Sverige, og Harsprånget er det største vasskraftverket i landet.[2]
Jokkmokk har store urørte naturområde, og nasjonalparkane Stora Sjöfallets nasjonalpark, Padjelanta, Sarek og Muddus ligg heilt eller delvis innanfor kommunegrensene. I Sarek ligg fjellmassivet Sarektjåkkå med det nest høgaste fjellet i Sverige, Stortoppen på 2089 moh. Det er fleire store innsjøar i kommunen, som Virihaure, Vastenjaure, Akkajaure, Stora Lulevatten, Saggat og Skalka som vert drenert av Lule älv eller sideelva Lilla Luleälven. Fjellbyen Kvikkjokk ved innsjøen Saggat er eit ofte brukt utgangspunkt for turar inn i nasjonalparkane Sarek og Padjelanta.
E45 går gjennom kommunen, det same gjer jernbanestrekninga Inlandsbanan.
Ein stor del av innbyggjarane i Jokkmokk kommune har samisk som heimespråk eller kunnskap i samisk. Ein av dei fem sameskulane i Sverige og sameskulestyret held til i Jokkmokk. Samisk har status som offisielt minoritetsspråk i kommunen.[3] Ájtte fjäll- och samemuseum er hovudmusset for samisk kultur i Sverige og ligg i kommunen.
Jokkmokk kommune hadde tre tettstader i 2005. Folketalet i tabellen er frå 31. desember 2005.[4]
# | Tettstad | Innbyggjarar |
---|---|---|
1. | Jokkmokk | 2 976 |
2. | Vuollerim | 800 |
3. | Porjus | 317 |