John Wyndham | |
Pseudonym | John Wyndham, John Beynon, Lucas Parkes |
Statsborgarskap | Storbritannia |
Fødd | 10. juli 1903 Dorridge |
Død |
11. mars 1969 (65 år) |
Yrke | science fiction-forfattar, romanforfattar, skribent, manusforfattar, kunsthandler |
Sjanger | science fiction-litteratur |
Far | George Beynon Harris |
Mor | Gertrude Hunt Parkes |
John Wyndham Parkes Lucas Beynon Harris (10. juli 1903–11. mars 1969) var ein britisk science fiction-forfattar som hovudsakleg var kjend under namnet John Wyndham. Tidleg i den skrivande karrieren sin brukte han forskjellige namnekombinasjonar, som John Beynon og Lucas Parkes. Boka The Outward Urge blei gitt ut med to namn: John Wyndham og Lucas Parkes, som om han var to forfattarar i samarbeid.
Etter skuletida (1921), studerte Wyndham landbruk. Han ombestemte seg og ville studera ved University of Oxford, med økonomisk støtte frå familien. I 1925 bestemte han seg for å skriva etter å ha prøvd seg i ulike rolle, som bonde, med juss og med reklame. På 1930-talet skreiv han jamleg for amerikanske tidsskrift, såvel krim som science fiction.
Broren hadde gjort suksess med fire bokutgjevingar, noko som inspirerte Wyndham til å legga om stilen til boka The Day of the Triffids. Denne slo svært godt an og etablerte Wyndham som eksponent for science fiction i England. Boka kom òg på norsk, og blei sendt som høyrespel i NRK.[1]
Etter eit 20 årig kjennskap, gifta han seg med Grace Wilson i 1963. Han flytta då ut frå den litterære klubben sin og kjøpte eit hus nær Petersfield i Hampshire i nærleiken av den gamle kostskulen sin Bedales School.