Hudiksvalls kommun | |||
kommune | |||
|
|||
Land | ![]() | ||
---|---|---|---|
Len | Gävleborgs län | ||
Landskap | Hälsingland | ||
Del av | Hälsingland, Q61663374 | ||
Centralort | Hudiksvall | ||
Areal | 2 496 km² | ||
Folketal | 36 970 | ||
Folketettleik | 14,8 / km² | ||
![]() Hudiksvalls kommun 61°44′00″N 17°07′00″E / 61.733333333333°N 17.116666666667°E | |||
Wikimedia Commons: Hudiksvall Municipality | |||
Nettstad: www.hudiksvall.se |
Hudiksvalls kommun er ein kommune i Gävleborgs län i Sverige som ligg ved Bottenhavet. Kommunen grensar i Gävleborgs län til Nordanstigs kommun i nord, Söderhamns kommun i sør, Bollnäs kommun i sørvest og Ljusdals kommun i vest. I tillegg grensar han til Ånge kommun i Västernorrlands län i nordvest. Administrasjonssenteret i kommunen er Hudiksvall.
Landskapet i kommunen er kupert, og dalføra går hovudsakleg retning nordvest–søraust. Kysten i kommunen er sterkt innskoren. I den midtre delen av kommunen ligg innsjøane Norra og Södra Dellen, i eit bekken som vart danna i samband med eit meteorittnedslag for 220–250 mill. år sidan. I søraust finn ein våtmarksområde. Det har vore tradisjon for treindustri i kommunen, og på siste del av 1900-talet vart han supplert av kabel- og kranproduksjon.
I 1869 vart Nianfors landskommun oppretta gjennom utbryting av kommunane Arbrå, Njutånger, Enånger og Forsa. I 1911 vart delar av kommunane Hälsingtuna og Idenor (medrekna municipalsamhället Åvik) innlemma i Hudiksvalls stad.
Ved den riksomfattande kommunereforma i 1952 vart resten av Idenor innlemma i Hudiksvalls stad, samtidig som desse «storkommunane» vart oppretta: Hälsingtuna (av kommunane Hälsingtuna og Rogsta), Njutånger (av Nianfors og Njutånger), Enånger, Delsbo, Bjuråker (av Bjuråker og Norrbo), samt Forsa (av Forsa og Hög). I 1963 vart Enånger og Njutånger slegne saman til Iggesund. I 1965 vart Hälsingtuna innlemma i Hudiksvalls stad.
Hudiksvalls kommun vart til slutt oppretta i 1971 gjennom samanslåing av Hudiksvalls stad og landskommunane Bjuråker, Delsbo, Forsa og Iggesund.
Blasonering: På raud bakgrunn, tre avhogne bukkehovud i sølv og blått, to øvst og eitt nedst.[1]
Eit segltrykk med dette motivet frå 1580-talet er teke vare på. Då våpenbiletet skulle fastsetjast på 1930-talet vart det samansett slik det er i dag, etter framlegg frå riksheraldikaren. Etter kommunesamanslåinga var det mange ulike våpen å velje mellom, men byvåpenet vart registrert som kommunevåpen i Patent- och registreringsverket i 1974.
Det er ni tettstader i Hudiksvalls kommun.
Tettstadene i tabellen er ordna etter innbyggjartal per 31. desember 2005. Administrasjonssenteret er utheva.
Nr. | Tettstad | Folketal |
---|---|---|
1. | Hudiksvall | 14 850 |
2. | Iggesund | 3 398 |
3. | Delsbo | 2 189 |
4. | Sörforsa | 1 524 |
5. | Näsviken | 977 |
6. | Njutånger | 879 |
7. | Enånger | 652 |
8. | Friggesund | 520 |
9. | Hålsjö | 221 |