Hogne eller Ågne er mannsnamn som har vore brukt i Noreg sidan 500-talet. Den norrøne forma av namnet er Hǫgni eller Högni. Namnet er i bruk på Færøyane som Høgni.
Hogne har norsk namnedag den 17. november. I 2008 var det 363 norske menn som hadde Hogne som første førenamnet (SSB). 5 heitte Ågne og 8 Høgni.
Namneberarar
- Høgni Karsten Hoydal (f. 1966), færøysk politikar
- Høgni Lisberg (f. 1982), færøysk songar
Litterær bruk
Hogne er nemnd fleire gonger i norrøn sagalitteratur.
- Hogne (norr. Högni) er ei kjempe i Hjadningekampen (Hjaðningavíg) som er far til Hild.
- Hogne Gjukesson (norr. Högní Gjúkisson) er nemnd i Den eldre Edda, Skáldskaparmál og Völsungasaga, der han er bror til helten Gunnar. Han svarer til Hagen i Nibelungenlied.
- Hogne er ein konge som kjempar mot kong Ingjald i Ynglingesoga. Han kan vera den same som Hogne Gjukesson.
Annan bruk
Stadnamnet Hognestad i Time er avleidd frå Hogne.