Haugaland prosti er eit tenestedistrikt i Stavanger bispedømme i Den norske kyrkja med prostesete i Haugesund.
Haugaland prosti er ein etterfølgjar til Karmsund prosti som har mellomalderske røter. Det femna om sokna ved Karmsundet, ytst i Ryfylke: Skåre, Utsira, Torvastad, Avaldsnes, Åkra, Falnes, Ferkingstad og Bokn.
Fleire nye sokn har vorte oppretta: Frå Avaldsnes vart to nye sokn utskilde: Kopervik i 1855 og Førresfjorden i 1893. Haugesund sokn vart utskilt frå Skåre i 1879, og i 1962 vart Haugesund og Skåre omregulerte til dei tre sokna Vår Frelser, Rossabø og Skåre.
Prostiets austgrense har vorte flytta fram og att fleire gonger: Frå Ryfylke prosti vart Tysvær sokn tilført i 1848, Skjold og Vats i 1859. I 1988 vart dei flytta tilbake til Ryfylke, saman med Førresfjorden og Bokn. I 2006 vart sokna i Karmøy kommune frådelte for å danne det nye Karmøy prosti, samstundes som sokna i Tysvær kommune vart tilførte prostiet, som skifta namn frå Karmsund til Haugesund prosti. I 2013 vart også sokna i Vindafjord kommune tilførte, og namnet vart på ny skifta til det noverande Haugaland prosti.