Eit måleri av ein haka-dans, måla av Joseph Jenner Merrett i ca. 1845.
Haka er ein seremoniell dans i maorikulturen. Dansen vert framført av ei gruppe dansarar, og nyttast for å visa byrgskap, styrke og samhald.[1] Haka vert ofte sett på som ein krigsdans som skal gjera mannlege krigarar klåre til strid, men haka har vorte dansa av både kvinner og menn.[2]
Det finst ulike variantar av haka, som vert nytta i ulike samanhengar. Æresgjestar kan ynskjast velkomen med ein variant av haka.[3] Haka-dans kan elles verta framført ved viktige hendingar, sportslege eller festlege høve, eller dansast i samband med gravferder.[2][4]
Det newzealandske herrelandslaget i rugby union – òg kjent som All Blacks – har gjort dansen internasjonalt kjend, då laget alltid dansar ein variant av haka føre kvar kamp. Mange av dei newzealandske rugbyspelarane er sjølv maoriar.
↑Hassan, Jennifer; Tamkin, Emily. «The power of the haka: New Zealanders pay traditional tribute to mosque attack victims». Washington Post (på engelsk). ISSN0190-8286. «In particularly evocative haka tributes, students, bikers and other groups chanted in unison, channeling their grief, shock and sadness into a physical act that symbolized respect for the victims. Video footage of the tributes was widely shared on social media, where many hailed the haka’s power and beauty.»