Gunnar Hvashovd | |||
Fødd | 24. januar 1924 Kongsberg kommune | ||
---|---|---|---|
Død | 12. oktober 2001 (77 år) | ||
Statsborgar av | Noreg | ||
Parti | Arbeidarpartiet | ||
Yrke | politikar | ||
Alle verv |
|
Gunnar Thorleif Hvashovd (24. januar 1924–12. oktober 2001) var ein arbeidar og politikar frå Kongsberg som representerte Buskerud og Arbeidarpartiet på Stortinget i tida 1969-81.
Far til Hvashovd arbeidde på våpenfabrikken på Kongsberg. Frå 1942 arbeidde han sjølv på Kongsberg Våpenfabrikk som dreiar, arbeidskontrakten vart ikkje oppheva før enn i 1982.
Hvashovd engasjerte seg tidleg i lokalpolitikken på Kongsberg. Frå 1948 til -55 var han medlem av bystyret. I 1960 tok han på ny sete i bystyret, då som ordførar. Han beheldt ordførarombodet til 1969, då han sa det frå seg ettersom han same hausten vart vald inn på Stortinget.
Hvashovd vart sikra attval til Stortinget både i 1973 og 1977. Alle tolv åra han var stortingsrepresentant var han medlem av Sosialkomitéen. Den siste valperioden, 1977-81, var han også medlem av Fullmaktskomitéen.
Ei tid var han styreformann i Kongsberg sjukehus.