Den fremre delen av auga. Det fremre augekammeret er vist til høgre.Skjematisk framstilling av menneskeauga
Det fremre augekammeret (av latincamera anterior bulbi oculi) er eit væskefylt rom inni auga som ligg mellom regnbogehinna og den inste endoteliale overflata av hornhinna.[1] Kammeret er fylt av ei væske som blir kalla kammervatn. Hyfema og glaukom (grøn stær) er dei vanlegaste patologiane i dette området. Ved hyfema blir kammeret fylt av blod. Ved glaukom har det oppstått ei blokkering i Schlemms kanal slik at kammervatnet ikkje klarar å renne ut. Opphopinga av væske fører til auka intraokulært trykk og etter kvart blindskap. Djupna på kammeret plar å vere mellom 2,5 mm og 3,5 mm, og viss kammervinkelen er mindre enn 2,5 mm djup kan det føre til glaukom med lukka kammervinkel.
Eit særmerkt trekk ved det fremre augekammeret er at det har nedsett immunrespons mot allogene transplantat. Denne eigenskapen er kjent som anterior chamber associated immune deviation (ACAID), og blei introdusert i 1981 av Streilein m.fl.[2][3]
↑Cassin, B. and Solomon, S. (1990). Dictionary of eye terminology. Gainesville, Fla: Triad Pub. Co. ISBN0-937404-33-0. CS1 maint: Multiple names: authors list (link)