Forrestal Range
fjellkjede
Land	Antarktis
Stad	Coats Land
- koordinatar	83°00′S 049°30′W / 83.000°S 49.500°W / -83.000; -49.500
Lengd	1,5 km
Areal	16 800 km²
Administrert under	Antarktistraktaten
Forrestal Range 83°00′S 49°30′W / 83°S 49.5°W / -83; -49.5
Forrestal Range (Antarktis)

Forrestal Range er ei stort sett snødekt fjellkjede aust for Dufek Massif og Neptune Range i Pensacolafjella i Antarktis. Ho vart oppdaga og fotografert den 13. januar 1956 på ein flytur over kontinentet under Operasjon Deep Freeze frå McMurdo Sound til Weddellhavet og attende.^[1]

Ho vart namngjeven av US-ACAN etter USS «Forrestal», det første store hangarskipet til U.S. Navy. Heile Pensacolafjella vart kartlagde av USGS i 1967 og 1968 frå flyfoto tekne av U.S. Navy i 1964.^[1]

• Abele Spur er ein utstikkar vestover frå Mount Lechner mot Herring Nunataks. Det vart namngjeve av US-ACAN etter forslag frå Arthur B. Ford etter Gunars Abele, ein sivilingeniør for US Antarctic Research Program i 1973-74 (USARP)-CRREL under kartlegginga av området.^[2]
• Blount Nunatak er ein nunatak, 1630 moh, 6 km sørvest for Mount Lechner på vestsida av Forrestal Range. Det vart oppdaga og fotografert den 13. januar 1956 under ein flytur over kontinentet under Operasjon Deep Freeze frå McMurdo Sound til Weddellhavet og attende. Det vart namngjeve av US-ACAN etter Hartford E. Blount, flymekanikar under Operasjon Deep Freeze, 1956.^[3]
• Cooke Crags er fjellknausar i isfalla mellom Henderson Bluff og Mount Lechner på vestsida av Lexington Table. Området vart kartlagd av USGS frå landmålingar og flyfoto tekne av U.S. Navy, 1956-66. Det vart namngjeve av US-ACAN i 1979 etter James E. Cooke, ein geofysikar som arbeidde i Forrestal Range og Dufek Massif, 1978-79.^[4]
• Mount Lechner er eit fjell på 2030 meter over havet på sørvestenden av Saratoga Table. Det vart kartlagd av USGS frå landmålingar og flyfoto tekne av U.S. Navy, 1956-66. Det vart nangjeve US-ACAN etter Ralph C. Lechner, USA, som var luftbrukoordinator i Antarktis, 1964-66.
• Watts Summit er ein fjelltopp på 1785 moh i det sørvestlege hjørnet av Lexington Table. Han vart kartlagd av USGS i 1967 frå landmålingar og flyfoto tekne av U.S. Navy 1964. Toppen vart namngjeven i 1979 av US-ACAN etter Raymond D. Watts, ein geofysikar som arbeidde i Forrestal Range og Dufek Massif, 1978-79.^[5]
• Mount Zirzow er eit fjell på 1615 moh, 6 km nord for Mount Mann på austkanten av Lexington Table. Det vart kartlagd av USGS frå landmålingar og flyfoto tekne av U.S. Navy, 1956-66. Det vart namngjeve av US-ACAN etter offiser Charles F. Zirzow som var assisterande stabssjef i Antarktis, 1966-67.^[6]

• Lexington Table er eit høgt, flatt, snødekt platå kring 25 km langt og 15 km breitt like nord for Kent Gap og Saratoga Table. Det vart oppdaga og fotografert den 13. januar 1956 under ein flytur over kontinentet under Operasjon Deep Freeze frå McMurdo Sound til Weddellhavet og attende. Det vart namngjeve av US-ACAN etter USS «Lexington» frå 1926, eit av dei første store hangarskipa i U.S. Navy.^[7]

• Saratoga Table er ie høgt, flatt, snødekt platå, 13 km langt og 10 km breitt, som ligg sør for Kent Gap og Lexington Table. Det vart oppdaga og fotografert den 13. januar 1956 under ein flytur over kontinentet under Operasjon Deep Freeze frå McMurdo Sound til Weddellhavet og attende. Det vart namngjeve av US-ACAN etter USS «Saratoga» frå 1926, eit av dei første store hangarskipa i U.S. Navy.^[8]

 Denne artikkelen inneheld stoff som er offentleg eige frå United States Geological Survey-artikkelen «Forrestal Range» (innhald frå Geographic Names Information System).