Eino Kirjonen | |
Statsborgarskap | Finland |
Fødd | 25. februar 1933 Primorsk |
Død |
21. august 1988 (55 år) |
Yrke | skihoppar, boballspiller, langrennsløpar |
Høgd | 164 centimeter |
Eino Kirjonen på Commons |
Eino Einari Kirjonen (25. februar 1933–21. august 1988) var ein finsk skihoppar frå Björkö. Han vann den tysk-austerrikske hoppveka 1961/62. Mellom 1955 og 1962 vart han finsk meister fire gongar.
Kirjonen vart nummer to i nyttårshopprennet 1954 i Garmisch-Partenkirchen. Same plasseringa fekk han også samanlagt i den tysk-austerrikske hoppveka 1953/54, begge gongane var det Olaf B. Bjørnstad som toppa resultatlistene. Sidan i 1954 vart Kirjonen nummer to i Lahti-rennet, bakom den ferske verdsmeisteren Matti Pietikäinen. Kirjonen fekk to andreplassar og ein tredjeplass i renn under den tysk-austerrikske hoppveka 1954/55, men vart likevel nummer to samanlagt, 2,8 poeng bakom landsmannen Hemmo Silvennoinen. Seinare i 1955-sesongen vann han i hopprennet Lahti-spelen og fekk delt andreplass i Holmenkollen bak landsmannen Aulis Kallakorpi.
I opningsrennet i hoppveka 1955/56 delte Kirjonen sigeren i rennet i Oberstdorf med Kallakorpi. Han kom deretter på andreplass i Garmisch-Partenkirchen, etter dette rennet reiste dei finske skihopparane vidare. Under vinter-OL 1956 i Cortina d'Ampezzo kom han på sjuandeplass, landsmennene Antti Hyvärinen og Kallakorpi sikra finsk dobbeltsiger. Kirjonen vart til sist i OL-sesongen nummer to i Lahti, poenget bak Silvennoinen og poenget framom Juhani Kärkinen.
Nyårsdag 1957 vart Kirjonen nummer to i Garmisch-Partenkirchen, like bakom Nikolaj Kamenskij frå Sovjetunionen. Rollene var omsnudd i Innsbruck, der Kirjonen tok ein klar siger føre Kamenskij. Kirjonen oppnådde 862,1 poeng i hoppveka 1956/57, og enda 0,7 poeng bakom landsmannen Pentti Uotinen som tok sin fyrste og einaste store hopptriumf. Same sesongen vann Kirjonen den finske meisterskapen i skihopping for andre gong. I Holmenkollen 1957 kom han på andreplass bak austtyske Helmut Recknagel. Kirjonen oppnådde to nye andreplassar i renn i hoppveka 1958/59; høvesvis Oberstdorf og Bischofshofen. Han vart i 1960 finsk meister for tredje gong.
I 1962 lukkast Kirjonen med å vinne den tysk-austerrikske hoppveka. Han vann rennet i Oberstdorf og sigra samanlagt med 865,1 poeng, nærare tolv poeng føre Willi Egger frå Austerrike. Same året vann han den finske meisterskapen for fjerde gong og kom på andreplass i Svenska skidspelen i Falun, men var heile 16 poeng bakom vinnaren Toralf Engan. Kirjonen deltok siste gong i den tysk-austerrikske hoppveka 1964/65 og vart nummer tolv i Garmisch-Partenkirchen.
Han døydde i Kouvola i 1988, 55 år gammal.
1950-talet | 1952/53: Sepp Bradl • 1953/54: Olaf B. Bjørnstad • 1954/55: Hemmo Silvennoinen • 1955/56: Nikolaj Kamenskij • 1956/57: Pentti Uotinen • 1957/58: Helmut Recknagel • 1958/59: Helmut Recknagel • 1959/60 Max Bolkart |
---|---|
1960-talet | 1960/61: Helmut Recknagel • 1961/62: Eino Kirjonen • 1962/63: Toralf Engan • 1963/64: Veikko Kankkonen • 1964/65: Torgeir Brandtzæg • 1965/66: Veikko Kankkonen • 1966/67: Bjørn Wirkola • 1967/68: Bjørn Wirkola • 1968/69: Bjørn Wirkola • 1969/70: Horst Queck |
1970-talet | 1970/71: Jiří Raška • 1971/72: Ingolf Mork • 1972/73: Rainer Schmidt • 1973/74: Hans‑Georg Aschenbach • 1974/75: Willi Pürstl • 1975/76: Jochen Danneberg • 1976/77: Jochen Danneberg • 1977/78: Kari Ylianttila • 1978/79: Pentti Kokkonen • 1979/80: Hubert Neuper |
1980-talet | 1980/81: Hubert Neuper • 1981/82: Manfred Deckert •
1982/83: Matti Nykänen • 1983/84: Jens Weißflog • 1984/85: Jens Weißflog • 1985/86: Ernst Vettori • 1986/87: Ernst Vettori • 1987/88: Matti Nykänen • 1988/89: Risto Laakkonen • 1989/90: Dieter Thoma |
1990-talet | 1990/91: Jens Weißflog • 1991/92: Toni Nieminen • 1992/93: Andreas Goldberger • 1993/94: Espen Bredesen • 1994/95: Andreas Goldberger • 1995/96: Jens Weißflog • 1996/97: Primož Peterka • 1997/98: Kazuyoshi Funaki • 1998/99: Janne Ahonen • 1999/2000: Andreas Widhölzl |
2000-talet | 2000/01: Adam Malysz • 2001/02: Sven Hannawald • 2002/03: Janne Ahonen • 2003/04: Sigurd Pettersen • 2004/05: Janne Ahonen • 2005/06: Janne Ahonen & Jakub Janda • 2006/07: Anders Jacobsen • 2007/08: Janne Ahonen • 2008/09: Wolfgang Loitzl • 2009/10: Andreas Kofler |
2010-talet | 2010/11: Thomas Morgenstern • 2011/12: Gregor Schlierenzauer 2012/13: Gregor Schlierenzauer • 2013/14: Thomas Diethart • 2014/15: Stefan Kraft • 2015/16: Peter Prevc • 2016/17: Kamil Stoch • 2017/18: Kamil Stoch • 2018/19: Ryōyū Kobayashi • 2019/20: Dawid Kubacki |
2020-talet |