Einar Stavang | |||
Fødd | 20. november 1898 | ||
---|---|---|---|
Død | 3. mai 1992 (93 år) | ||
Statsborgar av | Noreg | ||
Parti | Arbeidarpartiet | ||
Yrke | politikar, advokat | ||
Utdanna ved | Universitetet i Oslo | ||
Barn | Per Stavang | ||
Alle verv |
|
Einar Magnus Henriksson Stavang (20. november 1898–3. mai 1992) var ein norsk jurist og politikar, fødd i Kinn prestegjeld i Sunnfjord. Han representerte Arbeidarpartiet på Stortinget i 24 år.
Stavang, som var son til ein lærar, vart student i 1918 og cand.jur. i 1924. Han var så sakførar i Florø frå 1925 til 1946. Sidan 1946 var han sorenskrivar i Sunnfjord sorenskriveri, med bustad i Førde, til han gjekk av for aldersgrensa i 1968.
Stavang var i mellomkrigsåra varaordførar i Florø kommune i to periodar, og ordførar i 1940 og 1945–46. Hausten 1945 vart Stavang vald til stortingsrepresentant frå Sogn og Fjordane, og sidan attvald fem gongar. På Stortinget var han 1946-47 sekretær i Justiskomiteen 1946-47, perioden 1950-65 nestformann og 1965-69 formann i same komiteen.
Stavang var aktiv i Noregs Mållag, og hadde ulike tillitsverv i skipnaden.