Nobelprisen i medisin
2014
Edvard Ingjald Moser (fødd 27. april 1962 i Hareid) er ein norsk psykolog. Han er professor ved NTNU, der han er leiar for Institutt for systemnevrovitskap[1]. I 2014 fekk han Nobelprisen i medisin saman med May-Britt Moser, som han var gift med, og læremeisteren deira John O'Keefe, som starta forskinga dei fekk prisen for.[2]
Moser har doktorgrad frå Universitetet i Oslo. Han har særleg bidrege betydeleg innanfor studiet av hippocampus, med særleg vekt på hugset og evna til romleg orientering.