Dudley Brooks | |||
Fødd | 22. desember 1913 | ||
---|---|---|---|
Fødestad | Los Angeles | ||
Død | 17. juli 1989 (75 år) | ||
Dødsstad | Los Angeles | ||
Opphav | USA | ||
Instrument | piano | ||
Tilknytte artistar | Elvis Presley, Kay Starr | ||
Verka som | komponist, jazzmusikar |
Dudley Brooks (22. desember 1913–17. juli 1989) var ein USA-amerikansk jazz-pianist, arrangør og komponist.
Medan Brooks hadde kontrakt med Paramount Studios, spelte han mykje som studiomusikar i studioet Radio Recorders i Los Angeles.[1] I mange år var Radio Recorders eit av dei mest kjende studioa i landet og artistar som Charlie Parker, Louis Armstrong og Elvis Presley spelte inn musikk her.[2] Presley hadde òg kontrakt med Paramount Studios der han filma filmar som Girls! Girls! Girls! og Blue Hawaii.[3] For å sikre at innspelingane og filmane til Presley vart ferdig i tide, henta Paramount ofte inn studiomusikarar til Radio Recorders. Brooks utvikla derfor eit profesjonelt forhold med Presley som varte fleire tiår. I lag samarbeidde dei på mange album og filmar, som:[1]
Brooks var ein av få afroamerikanarar som arbeidde med Presley og er blitt nytta som motargument mot at Presley var rasist.[4]
Brooks skreiv òg fleire songar, ofte i samarbeid med andre låtskrivarar. Blant dei mest kjende songane hans er julesongen «(Everybody's Waitin' For) The Man with the Bag». Denne vart gjort populær av Kay Starr i 1950 og er blitt spelt av mange artistar, som Brian Setzer Orchestra og Vonda Shepard.[5][6][7]