Donetsk | |||
Донецьк • Донецк | |||
oblast | |||
|
|||
Kallenamn: ukrainsk Донеччина (Donetsjtsjyna) | |||
Land | ![]() | ||
---|---|---|---|
Rajon | 18 | ||
Byrajon | 28 | ||
Byar | 183 | ||
Landsbyar | 1124 | ||
Hovudstad | Donetsk | ||
Areal | 26 517 km² | ||
Folketal | 4 200 461 (1. januar 2018) | ||
Grunnlagd | 3. juni 1938 | ||
Språk | ukrainsk, russisk[1] | ||
ISO 3166-2 kode | UA-14 | ||
Postnummer | 83000–87999 | ||
Retningsnummer | +380-62 | ||
Bilnummer | Ukraina: АН, АТ, ЯН, ЕВ, ЕА, ЕК, ЕМ, ЕС | ||
![]() Donetsk oblast 48°08′N 37°44′E / 48.14°N 37.74°E | |||
Wikimedia Commons: Donetsk Oblast |
Donetsk oblast[a] er eit oblast aust i Ukraina. Hovudstaden heiter Donetsk. Historisk sett har provinsen utgjort mesteparten av Donbas-området. Provinsen har eit areal på 26 500 km².
Donetsk er den mest folkerike provinsen i Ukraina, med 4,6 millionar innbyggjarar (2006). Dette skuldast nokre store industribyar og dessutan urbane område rundt desse byane. Provinsen har mykje tungindustri, blant anna kolgruver og dessutan jarn- og stålverk.
Ved den ukrainske folketellinga i 2001 var dei etniske gruppene i Donetsk oblast: ukrainarar – 2 744 100 (56,9%), russarar – 1 844 400 (38,2%), grekarar – 77 500 (1,6%), belarusarar – 44,500 (0,9%) og andre (2,3 %).[2]
Russiske styresmakter har hatt den dominerande kontrollen over provinsen etter at dei annekterte han den 30. september 2022.[3]
Styresmaktene i Donetsk truga med at dersom Viktor Jusjtsjenko vann presidentvalet i Ukraina i 2004, ville ein halde folkeavstemming om Donetsk skal erklære seg som ein sjølvstendig provins i Ukraina. Denne folkeavstemminga vart seinare avlyst.
Sidan 2014 var Donetsk oblast og Luhansk oblast delvis kontrollerte av pro-russiske separatistar. Delelina gjekk midt gjennom dei to regionane med byane Donetsk og Luhansk på den austelege sida av grensa, mens blant anna Kramatorsk og Mariupol fram til krigen i Ukraina var kontrollert av regjeringa i Kyiv. Folkerepublikken Donetsk og Folkerepublikken Lugansk proklamerte i 2014. Viktor Janukovitsj, som vart avsett i 2014, er fra Donetsk-området.[4][5] Kramatorsk har sidan fungert som hovudstad for den delen av Donetsk oblast som er under ukrainsk kontroll.[6] Russiske styrkar har uoffisielt vore i området sidan 2014.[7][8] Det har vore uklart om striden i Aust-Ukraina bør bli definert som ein ukrainsk borgarkrig eller som ein krig med Russland.[9]
Russland sin president, Vladimir Putin, kunngjorde den 21. februar 2022 at Russland anerkjende dei to utbrytarområda som uavhengige, og inngjekk ein venskaps- og bistandsavtale med opprørsleiarane[10] med rett for Russland til å etablere militærbasar og utplassere rakettar.[5] Den 24. februar sende Russland militære styrkar inn i Ukraina – ifølgje Putin for å tryggje freden i Aust-Ukraina. Dermed eskalerte krigen i Ukraina ytterlegare.[8][11][12]
| |||||||||||||||
| |||||||||||||||
1 Okkupert og annektert av Russland i 2014. Ukraina og dei fleste FN-statane anerkjenner ikkje annekteringa. 2 Okkupert og annektert av Russland i 2022. Anerkjent som russisk territorium av Russland, Syria og Nord-Korea. Ukraina og dei fleste FN-statane anerkjenner ikkje annekteringa. |