David Bakke | |||
![]() | |||
Fødd | 30. april 1857 Fjaler kommune | ||
---|---|---|---|
Død | 25. april 1935 (77 år) | ||
Statsborgar av | Noreg | ||
Parti | Venstre | ||
Yrke | bonde, redaktør, politikar | ||
Far | Ole Mathiasson Bakke | ||
Alle verv |
|
David Olsson Bakke (30. april 1857–25. april 1935) var ein norsk gardbrukar, verkstyrar og stortingsmann for Venstre frå Ytre Holmedal i Sunnfjord.
Bakke var son til Ole Mathiasson Bakke, ein gardbrukar som fire periodar var varamedlem til Stortinget. Sjølv gjekk han folkehøgskule og landbruksskule før han overtok farsgarden i 1880. Frå 1897 til 1900 var han styrar av eit Vaardals Teglverk.[1]
Bakke var medlem av heradsstyret i Ytre Holmedal frå 1884 til -88 og i tida 1894-1911. I ni av åra var han ordførar. År 1887 var han redaktør av Firda og Sygnafylkets avis. Han var formann i venstreforeininga i amtet, og 5. representant frå Nordre Bergenhus amt til Stortinget 1900-03; medlem av næringskomite nr 1. På ny vald til stortingsrepresentant for 1913-15, då for einmannskrinsen Søndfjord, gjenvald for perioden 1916-18. Han var då medlem av vegkomiteen, formann 1917 og det meste av 1918-sesjonen.