| Dana Gillespie | |||
 | |||
| Fødd | 30. mars 1949 Woking i Surrey Storbritannia | ||
|---|---|---|---|
| Fødestad | Woking | ||
| Fødenamn | Richenda Antoinette de Winterstein Gillespie | ||
| Opphav | Storbritannia | ||
| Sjanger | Folk, tenåringspop | ||
| Instrument | Vokalist | ||
| Tilknytte artistar | Dana Gillespie and her London Blues Band | ||
| Plateselskap | Rev-Ola, Decca, RCA, Bellaphon Records, Ace Records, | ||
| Verka som | Musikar, skodespelar | ||
Richenda Antoinette de Winterstein «Dana» Gillespie (fødd 30. mars 1949) er ein engelsk skodespelar og songar.
Gillespie var dotter til Baron De Winterstein Gillespie, ein austerriksk radiolog. Ho voks opp i England og ved familievillaen ved Lago Maggiore i Italia.[1] Hovar britisk juniormeister i vasski i fire år før ein skade tvinga ho til å leggje opp.
Ho spelte først inn folkeviser på midten av 1960.-talet, men var på den tida mest kjend som kjærasten til Donovan. Somme av innspelingane hennar fall inn under kategorien tenåringspop, som singelen «Thank You Boy» frå 1966, produsert av Jimmy Page. Skodespelarkarrieren hennar kom i gang kort tid etter, overskugga av musikkarrieren seint i 1960- og 1970-åra. Etter at ho song korvokal på «It Ain't Easy» på David Bowie sitt Ziggy Stardust and the Spiders from Mars, spelte ho inn eit album produsert av Bowie og Mick Ronson i 1973, Weren't Born a Man. Seinare har ho hovudsakleg spelt blues, og spelt med bandet hennar London Blues Band. Ho er òg kjend for å vere den første Maria Magdalena i den første London-oppsetjinga av Andrew Lloyd Webber og Tim Rice sin Jesus Christ Superstar, som opna seint i 1971. Ho song òg på det Original London Cast-albumet som kom ut året etter.
Ho er nær ven av Angela Bowie, den tidlegare kona til David Bowie.[2]