Dale kyrkje | |||
kyrkje | |||
Land | ![]() | ||
---|---|---|---|
Fylke | Vestland | ||
Kommune | Vaksdal | ||
Kyrkjesamfunn | Den norske kyrkja | ||
Bispedøme | Bjørgvin | ||
Prosti | Hardanger og Voss | ||
Sokn | Dale | ||
Fellesråd | Vaksdal | ||
Stad | Dale | ||
Type | Langkyrkje | ||
Arkitekt | Arnstein Arneberg[1] | ||
Material | Betong | ||
Innvigd | 16. desember 1956[2] | ||
Sitjeplassar | 600[1] | ||
![]() Dale kyrkje i Vaksdal 60°35′25″N 5°49′26″E / 60.5903°N 5.8239°E | |||
Wikimedia Commons: Dale kirke (Vaksdal) |
Dale kyrkje står på Dale i Vaksdal kommune i Vestland fylke, og er ei langkyrkje frå 1956. Kyrkja er bygd i betong etter teikningar laga av Arnstein Arneberg.
Dale er ein relativt ny kyrkjestad. Staden vart bygd opp kring tekstilverksemda Dale fabrikker, og fekk kapellkyrkje i 1896.[1] Før det sokna folk til Bruvik kyrkje på Osterøy, men då Vossebanen kom i 1883 vart det greiare å reise til Evanger kyrkje på Voss når det skulle haldast bryllaup eller barnedåp.
Dale kyrkje er soknekyrkje i Dale sokn i Hardanger og Voss prosti. Dale vart eige sokn ved kongeleg resulusjon av 16. mai 1911. Soknet høyrde til Bruvik prestegjeld til 1968. Då vart Vaksdal prestegjeld oppretta med sokna Dale, Vaksdal, Eksingedalen og Stamnes.[3] Prestegjelda vart fasa ut frå Den norske kyrkja frå 2004.
Kyrkjegarden på Stanghelle vart vigsla 22. mai 1882. Både Dale og Vaksdal sokn nytta Stanghelle-kyrkjegarden. Han er framleis i bruk, men det er sidan vigsla eigne kyrkjegardar både i Vaksdal og på Dale. Kyrkjegarden på Dale ligg på Børjelen på Dalegarden, og vart vigsla 23. november 1907.[1]