Den store fugleslekta Columba består av ei gruppe av middels til store, kraftig bygde duer, ofte referert til som dei typiske duene. Arten som ofte vert referert til berre som «dua» er bydue (C. livia domestica). Byduer vart ein gong avla frå arten klippedue, Columba livia, noko som òg har gjeve opphav til dei fleste domestiserte dueraser, slik som brevduer. Ringdue, Columba palumbus, engelsk 'Common Wood-Pigeon', blir somme tider kalt for skogduer og forveksla med arten med det norske namnet skogdue, Columba oenas.
Slik som inndelinga av duer til slekta Columba blir gjort i dag, er slekta avgrensa til «den gamle verda», men nokre fuglar, spesielt domistiserte og forvilla klippeduer, har blitt introduserte utanfor det naturlege utbredelsesområdet sitt, til dømes i Amerika.
Etymologi
Omgrepet columba kjem frå det latinske columba, «ei due»,[1] og er den feminine forma av columbus, «ei mannleg due»,[2] sjølv om latinisering av det greske κόλυμβος (kolumbos), «dukkar»,[3] som stammar frå verbet κολυμβάω (kolumbaō), tyder å dukke, stupe hovudstups, eller symje.[4] Den feminine forma for kolumbos, κολυμβίς (kolumbis), «dukkar»,[5] blei brukt av Aristofanes og andre om klippeduer i Hellas på grunn av dei symjande rørslene dei gjer med vengene når dei flyg.[6]
Systematikk
Tidlegare var òg liknande duer i Amerika medlemmer av Columba, men er i dag skilde ut i si eiga slekt Patagioenas. At den amerikanske utviklingslinja utgjer ei distinkt avstamming er no synt ut frå molekylære prov; faktisk er Patagioenas-duene fylogenetisk basale til splitten mellom Columba-duer og Streptopelia-duer.
Artslista
Columba-duer i rekkjefølgje etter IOC World Bird List V11.2, 2021,[7] med norske namn etter Norske navn på verdens fugler:[8]
- Klippedue, Columba livia, Rock Dove, Gmelin, JF, 1789, (LC)
- Steindue, Columba rupestris, Hill Pigeon, Pallas, 1811, (LC)
- Snødue, Columba leuconota, Snow Pigeon, Vigors, 1831, (LC)
- Spragledue, Columba guinea, Speckled Pigeon, Linnaeus, 1758, (LC)
- Etiopiadue, Columba albitorques, White-collared Pigeon, Rüppell, 1837, (LC)
- Skogdue, Columba oenas, Stock Dove, Linnaeus, 1758, (LC)
- Morbærdue, Columba eversmanni, Yellow-eyed Pigeon, Bonaparte, 1856, (VU)
- Somalidue, Columba oliviae, Somali Pigeon, Clarke, S, 1918, (DD)
- Ringdue, Columba palumbus, Common Wood Pigeon, Linnaeus, 1758, (LC)
- Madeiradue, Columba trocaz, Trocaz Pigeon, Heineken, 1829, (LC)
- Kanaridue, Columba bollii, Bolle's Pigeon, Godman, 1872, (LC)
- Laurbærdue, Columba junoniae, Laurel Pigeon, Hartert, E, 1916, (NT)
- Skiferdue, Columba unicincta, Afep Pigeon, Cassin, 1860, (LC)
- Gulbrilledue, Columba arquatrix, African Olive Pigeon, Temminck, 1808, (LC)
- Flekkpurpurdue, Columba sjostedti, Cameroon Olive Pigeon, Reichenow, 1901, (LC)
- Saotomedue, Columba thomensis, Sao Tome Olive Pigeon, Barboza du Bocage, 1888, (EN)
- Komordue, Columba pollenii, Comoros Olive Pigeon, Schlegel, 1865, (NT)
- Sølvhovuddue, Columba hodgsonii, Speckled Wood Pigeon, Vigors, 1832, (LC)
- Kvitnakkedue, Columba albinucha, White-naped Pigeon, Sassi, 1911, (NT)
- Kragedue, Columba pulchricollis, Ashy Wood Pigeon, Blyth, 1846, (LC)
- Nilgiridue, Columba elphinstonii, Nilgiri Wood Pigeon, (Sykes, 1832), (VU)
- Singalesardue, Columba torringtoniae, Sri Lanka Wood Pigeon, (Kelaart, 1853), (VU)
- Bleikkronedue, Columba punicea, Pale-capped Pigeon, Blyth, 1842, (VU)
- Sølvdue, Columba argentina, Silvery Pigeon, Bonaparte, 1855, (CR)
- Andamandue, Columba palumboides, Andaman Wood Pigeon, (Hume, 1873), (NT)
- Mikadodue, Columba janthina, Japanese Wood Pigeon, Temminck, 1830, (NT)
- Kvitstrupedue, Columba vitiensis, Metallic Pigeon, Quoy & Gaimard, 1832, (LC)
- Dronningdue, Columba leucomela, White-headed Pigeon, Temminck, 1821, (LC)
- Praktdue, Columba pallidiceps, Yellow-legged Pigeon, (Ramsay, EP, 1878), (VU)
- Kritnakkedue, Columba delegorguei, Eastern Bronze-naped Pigeon, Delegorgue, 1847, (LC)
- Bronsenakkedue, Columba iriditorques, Western Bronze-naped Pigeon, Cassin, 1856, (LC)
- Glansnakkedue, Columba malherbii, Island Bronze-naped Pigeon, Verreaux, J & Verreaux, É, 1851, (NT)
- Trolldue, Columba larvata, Lemon Dove, Temminck, 1809, (LC)
