Christian L. Holm | |
![]() | |
Statsborgarskap | Noreg |
Fødd | 6. mai 1892 Rakkestad kommune |
Død | |
Yrke | politikar |
Språk | norsk |
Politisk parti | Høgre |
Christian L. Holm på Commons |
Lorentz Christian Langberg Holm (6. mai 1892–30. mars 1981) var ein norsk skogbruksmann og politikar frå Rakkestad. I tida 1950-65 var han stortingsrepresentant for Hordaland og partiet Høgre.
Holm, som var son til ein prest, tok eksamen ved skogbruksforvaltinga på Norges Landbrukshøgskule i 1917. Dei neste tre åra var han styrar i A/S Skogsdrift, deretter gardbrukar i Gran på Hadeland. Han var så forvaltar og skogfut ved Rosendal gods 1927–61. Styremedlem i Vestlandske Skogeigarsamband frå 1939, i Norges Skogeierforbund frå 1946, og medlem av representantskapen i Det norske Skogselskap frå 1952. Formann i Bergen og Hordaland Skogselskap 1940-50.
Holm var medlem av Kvinnherad formannskap 1934–40 og varaordførar 1945–47. Ved stortingsvalet hausten 1949 fekk han fast plass på hordlandsbenken på Stortinget, der han hadde sete i fire periodar. I den fyrste fireårsperioden på Tinget var han med i Skog-, vassdrags- og industrikomiteen, nestformann i komiteen frå sommaren og ut perioden. Dei tre siste stortingsperiodane var han medlem av Landbrukskomiteen. Dessutan var Holm medlem av Valkomiteen i heile si stortingstid.
I 1952 vart Holm utnemnd til riddar av 1. klasse av St. Olavs Orden og i 1963 til storriddar av Den islandske falkeorden.