Carl Theodor Dahl | |
Statsborgarskap | Noreg |
Fødd | 1802 Tønsberg |
Død |
11. mars 1862 (59 år) |
Yrke | jurist, politikar |
Språk | norsk |
Far | Carl Adolph Dahl |
Carl Theodor Dahl (1802–11. mars 1862) var ein norsk jurist, auditør og stortingsmann. Han var son av Carl Dahl og far til Carl Adolf Dahl.
Dahl var fødd i Tønsberg. Han vart student frå Kristiania katedralskule i 1821 og cand. jur. i 1826. Han var så tre år advokatfullmektig og ei tid prokurator i Smaalenene. Frå 1831 og heilt til han døydde var han auditør ved 1. akershusiske brigade.
I 1845 representerte Dahl Fredrikshald på Stortinget. Der var han medlem av militærkomiteen. Elles var han lite aktiv politisk, men var medlem av bystyret i Fredrikshald i 1860-61.
Han døydde i Fredrikshald i 1862.